Memleket basshysy abattandyrý jáne turǵyn úı-kommýnaldyq sharýashylyqta «Halyq qatysatyn búdjettiń» úlesin 10 ese arttyrýdy tapsyrdy.

Shymkent qalasynda bul joba bıyldan bastap júzege asyp, tıimdiligin kórsetti. Búdjet jospary bastapqy 287 mln teńgeden 1,5 mlrd teńgege jýyq artyp, bes ese ósti. Turǵyndardyń qatysýymen abattandyrý boıynsha 66 joba iriktelip, iske asyrylýda.

Kelesi jyly jobaǵa qaralatyn qarjy 10 esege artyp, 3 mlrd. teńgege jetedi. Aýdan ákimdikteri osy aıdan bastap turǵyndardan usynystar jınaqtap, irikteıdi.

Turǵyndar aýdan ákimi apparaty quzyretine kiretin salalalar boıynsha talap-usynystaryn jiberýine múmkindigi bar. Máselen, aýmaqty kógaldandyrý, aıaqjoldardy jaılastyrý, pandýstardy, aryqtardy salý jáne jóndeý, t.b., máseleler boıynsha usyna alady. Jobaǵa aýdanda tirkelgen kez kelgen azamat qatysa alady. Ol úshin open-shymkent.kz arnaıy ınternet-resýrsyna tirkelýińiz qajet.

Jobanyń talaptaryna sáıkes, eki apta ishinde jınaqtalǵan usynystar aýdan ákimdigi tarapynan qurylǵan Saraptamalyq keńeske usynylady. Saraptamalyq keńes jobalar tizbesin iriktep, daýys berý úshin saıtqa ornalastyrady. Daýys berý nátıjeleri boıynsha kóp daýys jınaǵan jobalar aýdan ákimdigi arqyly júzege asyrylatyn bolady.

Ashyqtyq pen jarıalyqqa negizdelgen «Halyq qatysatyn búdjet» - bılikti buqaraǵa barynsha jaqyndatýdyń tıimdi quraly. Jobany qalanyń komýnaldyq sharýashylyǵynda da keńinen engiziletin bolady.