Shymkent qalasyna - Dúnıejúzilik «Birikken qalalar jáne jergilikti bılik» uıymyna múshe bolý usynyldy. Atalǵan usynys Túrkıa Respýblıkasynyń Izmır qalasynda ótken gıbrıdtik formatta mádenıet jónindegi «Birikken qalalar jáne jergilikti bılik» dúnıejúzilik uıymynyń IV Samıtinde aıtyldy. Atalǵan samıtke Shymkent qalasynyń Týrızm jáne syrtqy baılanystar basqarmasy men «Visit Shymkent» týrısik aqparattyq ortalyǵynyń qyzmetkerleri qatysqan bolatyn.

Shara nátıjesinde Izmır men Shymkent qalalary arasyndaǵy dostyq qarym-qatynasty odan ári jandandyrý jóninde kelisimge keldi. Eske sala ketsek, Izmır men Shymkent, 2004 jyldan beri baýyrlas qala statýsynda. Odan ózge, 2022 jyly Qazan qalasynda IýNESKO-nyń uıymdastyrýymen ótetin aýqymdy sharaǵa da Shymkent qalasynyń qatysýyna usynys tústi.

Atalǵan uıym ǵasyrdan asa ýaqyt buryn qurylǵan. Músheliktegi elder ǵalamdyq aýqymdy saýaldardy sheshýde bas qosyp, mýnısıpaldy jáne mádenı baılanysty saqtap, tájirıbemen bólisip otarady. Jalpy sany 240 myń óńir men megapolıs jáne BUU quramyndaǵy 140-tan astam el osy uıymǵa múshe bolyp tabylady. Al, búginde elimizdiń Nur-Sultan jáne Túrkistan qalalary uıym quramyna enip úlgergen.