Shymkent qalasynda osy jyldyń qańtar-tamyz aılarynda negizgi kapıtalǵa salynǵan ınvestısıalar kólemi 201,1 mlrd teńgeni qurap, 32,5 paıyzǵa artty. Onyń ishinde memlekettik búdjetten 57,5 mlrd. teńge, jeke kózderden 143,6 mlrd.teńge ınvestısıa tartylǵan.

Ótken jyldyń tıisti kezeńinde bul kórsetkish 147,9 mlrd. teńgeni qurasa, jekemenshik ınvestısıanyń úlesi 56 paıyz shamasynda bolatyn. Investorlar ónerkásip jobalarymen qosa, turǵyn úı qurylysy, aýylsharýashylyǵy, baılanys, medısına, bilim, sport, kólik qatynasy, taǵy basqa ekonomıka sektorlaryna qarjy baǵyttaýda.

Qalada jyl basynan beri ınvestısıa quny 12,6 mlrd. teńgeni quraıtyn 5 joba «Ońtústik», «Tassaı» ındýstrıaldy aımaqtary men Ońtústik» arnaıy ekonomıkalyq aımaǵynda ashylǵan. Nátıjesinde jańadan 200-den astam jumys orny ashylǵan.