Shymkent qalasy Ál-Farabı aýdany ákiminiń orynbasary M.Tájibaev aýdandaǵy monıtorıń toptyń atqarǵan jumystaryn qorytyndylady. Onyń aıtýynsha, aýdanda 1700 kásipkerlik nysan «Ashyq» júıesine qosylǵan.

– Aýdanda karantındik talaptardyń buzylýy anyqtalǵan jaǵdaıda ákimshilik sıpattaǵy sharalardy qoldaný boıynsha is-qımyl algorıtmi bekitilgen. Reıd jumystaryn júrgizý úshin jyl basynan aýdanda 6 monıtorıńtik top jumys atqaryp keledi. Júıeli jumystyń arqasynda jyl basynan beri 31 174 kásipkerlik nysan tekserilip, onyń 513-ne aıyppul salyndy, – dedi aýdan ákiminiń orynbasary.

Sondaı-aq, monıtorıńtik toppen kúndelikti nysandardy aralaý barysynda 98 toı-tomalaq toqtatyldy. Búginde Ál-Farabı aýdany aýmaǵynda ornalasqan 15 toıhanaǵa jol-patrýldik polısıa qyzmetkerlerinen qurylǵan arnaıy ekıpajdar atalǵan nysandardy táýlik boıy baqylaıdy.

Jıyn barysynda monıtorıń top jumysynyń tıimdiligin arttyrý men ákimshilik sıpattaǵy sharalardy qoldaný boıynsha usynystar aıtyldy. Oǵan aýdandyq prokýratýra, aýdan ákimdigi qyzmetkerleri, monıtorıń top músheleri, aýdandyq polısıa basqarmasy, tótenshe jaǵdaılar departamenti, sanıtarlyq epıdemıologıalyq basqarmasynyń ókilderi qatysty.