Shymkent qalasynda búgin №104, №60 jáne №75 avtobýs baǵyttary iske qosyldy. Bul josparly keshendi sqemasyna sáıkes jáne qala halqynyń suranysy boıynsha júzege asyrylyp otyr,- dep habarlady qalalyq jolaýshylar kóligi jáne avtomobıl joldary basqarmasynyń basshysy Erjan Joldasov @akimat_shymkent ınstagram paraqshasynda ótken tikeleı̆ efır barysynda.

Qala turǵyndary tarapynan kóp kóteriletin saýaldardyń biri qoǵamdyq kólik máselesi ekenin aıtqan sala jetekshisi turǵyndar suranysy boıynsha jyl basynan beri 15 marshrýt jańadan qosylyp, 30-ǵa jýyq avtobýstyń baǵytyna ózgerister engizilgenin atap ótti.

Efır barysynda Erjan Joldasov búgin jumysy uıymdastyrylǵan 3 avtobýstyń júri baǵyttaryna toqtalyp ótti.

Onyń aıtýynsha, №104 baǵyt «Qaıtpas-1 sh/a - Ońtústik sh/a» aralyǵyna deıin qatynaıtyn bolady. Onda qyzmet kórsetetin avtobýs sany 8, demalys kúnderi 6 avtobýs. Aralyq ıntervaly 18 mın, demalys kúnderi -24 mınýtty quraıdy. Al, №60 baǵyt Qazǵurt shaǵyn aýdanynan Temir jol vokzaly aıaldamasyna deıin keledi. Avtobýstardyń qatynaý aralyǵy 15 mınýt.

İske qosylǵan úshinshi baǵyt №75. Bul Turan shaǵyn aýdanynan 11-shi shaǵyn aýdanyndaǵy aıaldamasyna deıin keledi. Atalmysh marshrýt boıynsha avtobýs sany 6, demalys kúnderi 4. Aralyq ıntervaly 20-25 mınýtty quraıdy.

Sonymen qatar, búgin №9, 21, 56, 68 baǵyttardyń qozǵalys syzbasy qaıta uıymdastyryldy. Atap aıtqanda Shymsıtı shaǵynaýdanyna qyzmet kórsetetin №9 baǵyt «Avtonur» bazarynan OQMÝ aralyǵyna deıin uzartyldy. Qursaı sh/a qatynaıtyn №21 marshrýt «Rahıma» plaza aıaldamasynan «Qajymuqan» stadıonyna deıin qysqardy. Nurtas sh/a qyzmet kórsetetin 56 marshrýt «Qyrǵy» bazaryna deıin sozylsa, Kúnshyǵys shaǵyn aýdanynyń Pazıkov kóshesinen qatynaıtyn №68 marshrýt qazirgi ýaqytta B.Momyshuly jáne Túrkistan kóshesine túspeı, Táýke han dańǵylymen Beıbitshilik kóshesi arqyly Temirlan tas jolyna túsedi.