Shymkent qalasynda 10 qazan kúni Jambyl atyndaǵy Qazaq memlekettik fılarmonıasynyń janynan qurylǵan QR Memlekettik akademıalyq sımfonıalyq orkestriniń «TURAN» fólklorly-etnografıalyq ansambli «FOLK & SYMPHONY» konsertin usynady.

İs-shara QR Táýelsizdiginiń 30 jyldyǵyna, jyr alyby Jambyl Jabaevtyń 175 jyldyǵy jáne «Rýhanı jańǵyrý» memlekettik baǵdarlamasy aıasynda uıymdastyrylmaq.

«TURAN» fólklorly-etnografıalyq ansambli 2008 jyly Qurmanǵazy atyndaǵy Qazaq ulttyq konservatorıasynyń qabyrǵasynda qurylǵan. «Turan» – qazaq halqynyń kóneden kele jatqan tól mýzykalyq ónerin qazirgi zamannyń talǵam-tanym tarazysymen qaıta jańǵyrtýdy maqsat tutqan ulttyq etno-folklorlyq top. Top – ulttyq kóne aspaptardyń únin qaıta tiriltýdi, jańa úndestik pen ádis-tásilderdi taýyp qoldanysqa engizýdi kózdeıdi.