Shymkent qalasynyń ákimi Murat Áıtenov aýylsharýashylyǵy baǵytynda jumysy qarqyn alǵan kásipkerlik nysandaryn aralap, jumys barysymen tanysty.

Shahar basshysy Qarataý aýdany Saıram turǵyn alabynda ornalasqan «Tassaı qus» JSHS-ne bardy. Bıyl sharýashylyqty keńeıtip, ónimdilikti arttyrǵan óndiris orny 15 adam jumyspen qamtyp otyr.
Joba quny – 250 mln teńge. Kásipkerler jylyna 35 mln dana jumyrtqa óndirip, naryqqa shyǵaryp kelgen. Kelesi jyldyń qańtarynan bastap ónimdilikti 50 mlnǵa jetkizýdi josparlaýda.

Atalǵan óndiris germanıalyq HELMANN POULTRY GMBH CO.KG tehnologıasy boıynsha jumys isteıdi.

Qus sharýashylyǵyna mamandanǵan kásiporynǵa 2020 jyly 29,7 mln teńge memlekettik qoldaý kórsetilgen. 2021 jyly 37,7 mln teńge qoldaý kórsetý josparlanýda.

Mundaı óndiris oryndaryn qoldaý, naryqtyq baǵany turaqtandyrýda mańyzdy qadam bolyp tabylady.