Búgin İİİ Nobel Fest alańshasy onlaın formatta jumysyn bastady. Dúnıejúzilik beıbitshilik pen damý jolyndaǵy ǵylym kúni (World Science Day for Peace and Development) qarsańynda bastaý alǵan bul alańshada Qazaqstan, Ázerbaıjan, Ózbekstan memleketteriniń ókilderi bas qosyp otyr.

Halyqaralyq Inklúzıvti damý qory, QR Tuńǵysh Prezıdenti – Elbasy kitaphanasy, Halyqaralyq G-Global Hatshylyǵy Ózbekstan Respýblıkasynyń Ziyo Forum ǵylym men bilimdi damytý halyqaralyq qory jáne Ázerbaıjan Respýblıkasy Bilim mınıstrliginiń «SABAH grýpp» uıymymen birlese 2021 jylǵy 26-29 qazan aralyǵynda ótkizip jatqan İİİ Nobel Fest alańshasy Ortalyq Azıa jáne Kavkaz elderiniń ǵylymı jáne bilim berý áleýetin arttyrýǵa arnalǵan.

İİİ Nobel Fest qatysýshylary tórt negizgi baǵyt boıynsha pikir almasady: jasyl ekonomıka, ınovasıa ǵasyry, jańa dáýir suranysy, azamattarǵa arnalǵan ekonomıka.

Pikir alań aıasynda 25 aýqymdy is-shara qtedi. Onyń ishinde Nobel syılyǵy laýreattarynyń leksıalary ótip, olarmen erkin pikir almasý júredi. İİİ Nobel Fest pikir almasý alańy álem elderi boıynsha 40 myńnan astam adamdy biriktirmek. Onyń turaqty qatysýshylary arasynda Nobel syılyǵynyń 4 laýreaty, ǵylym salasyndaǵy Oskar syılyǵynyń 2 laýreaty, álemdik deńgeıdegi tanymal birqatar sarapshylar bar.

İİİ Nobel Fest platformasynda Google kompanıasynyń komersıalyq dırektory Mo Gavdat, kitaptary álemniń 60 tilderine, 27,5 mln. danamen taraǵan álemdik deńgeıdegi tarıhshy Iýval Noı Hararı, apple Siri quryltaıshysy, Renault Group tobynyń bas ınjeneri Lúk Djýlıa, tabıǵattyń yqpaldy qorǵaýshysy, BUU Beıbitshilik Elshisi Djeın Gýdoll, Beıbitishilik Nobel syılyǵynyń laýreaty Rae Kvon Chýng, ekonomıka salasy boıynsha Nobel syılyǵynyń laýreaty Pol Robert Mılgrom, taǵy basqa álemdik deńgeıdegi tanymal tulǵalar sóz alady.

Pikir alańynyń ekinshi kúninde Shymkent qalasynyń ákimi Murat Áıtenov qalamyzdyń bolashaǵy týraly habarlama jasap, Shymkenttiń damýy jóninde óz pikirin bildiredi.