Shymkent qalasynyń týrızm jáne syrtqy baılanystar basqarmasynyń basshysy E.Qydyrov 9 aıda atqarylǵan jumystardy baıandady.

2021 jyldyń birinshi jartyjyldyǵynda qalaǵa kelýshi týrıser sany 158 224 adamǵa jetip, 2 esege artqan. Bul kórsetkish byltyr birinshi jartyjyldyqta 69945-ti quraǵan bolatyn. Sáıkesinshe, 6 aıda qala ekonomıkasyna túsken tabys kólemi 9,5 mlrd teńgege jetken. Jyl sońyna deıin bul kórsetkishti 2 esege arttyrý kózdelip, kelgen týrıser sanyn 315 381 adamǵa jetkizý qarastyrylǵan. Nátıjesinde, qala ekonomıkasyna 19 mlrd. qarjy túsedi dep kútilýde. Al, jalpy búdjetten bólingen 1 teńgeniń qaıtarylymy 62 teńgeni qurap otyr.

Basqarma basshysy eseptik kezeńde negizgi 4 baǵytta júzege asqan jumystardan habardar etti. Marketıńtik ilgeriletý baǵytynda qalanyń kórikti jerlerimen tanystyrý maqsatynda «Visit Shymkent» týrısik-aqparattyq ortalyǵy quryldy. Ortalyqtyń negizgi maqsaty – «bir tereze» qaǵıdasy boıynsha qala turǵyndary men qonaqtaryna aqparattyq-konsýltasıalyq kómek kórsetý. Jalpy, ortalyq tarapynan 115 tegin ekskýrsıa uıymdastyrylyp, 11 myńǵa jýyq týrıske qyzmet kórsetildi.

Týrıserdi aqparatpen qamtamasyz etý maqsatynda VISIT-SHYMKENT.KZ týrısik portaly men mobıldi qosymshasy iske qosyldy. Onlaın platformalardyń pandemıa kezinde, sondaı-aq, zaman talabyna saı tanymaldyǵy artyp, qoǵamda mańyzdylyǵy ósip kele jatqanyn eskersek, portal men mobıldi qosymsha týrıser úshin taptyrmas qural bolyp esepteledi. Qazirgi tańda týrısik aqparattyq júıege qala aýmaǵyndaǵy 700-den asa týrısik sala ókilderi men nysandary engizilip, portal arqyly ár túrli mádenı nysandarǵa 38 414 bılet satyp alyndy.