«Shańyraq» baǵdarlamasymen 200-den astam otbasy baspanaly boldy

/image/2021/10/29/crop-55_19_827x1102_083607334000.jpg

Shymkent qalasyndaǵy «Turan» shaǵynaýdanynda «Nurly jer» memlekettik baǵdarlamasy aıasynda boı kótergen turǵyn úı páterleri kezeń-kezeńimen paıdalanýǵa berilýde.

Búgin alǵashqy 224 otbasyǵa páter kiltteri tabystaldy. Jańa qonys ıeleri «Shańyraq» baǵytymen baspanaly bolyp otyr. Kilt tapsyrý rásimine qala ákiminiń orynbasary Erǵalı Bilisbekov qatysyp, baspanaly bolǵan azamattardy qonys toıymen quttyqtady.

–Shymkentte búginde 46 myńnan astam adam turǵyn úı kezeginde tirkeýli. Azamattardy barynsha baspanamen qamtý maqsatynda turǵyn úı qurylysy da qarqyndy júrgizilýde. Búgin mine sizderdiń qýanyshtaryńyzǵa kýá bolyp otyrmyz. Barshańyzdy qonys toılaryńyzben quttyqtap, shańyraqtaryńyzǵa shattyq, baq-bereke tileımin,-dedi E.Bilisbekov.

Bıyl qala ákimdigi tarapynan baspanaǵa muqtaj azamattarǵa qoldaý retinde turǵyn úı sertıfıkatyna 500 mıllıon teńge bólindi.

Ipotekalyq turǵyn úı qaryzy boıynsha bastapqy jarnanyń bir bóligin jabý úshin qaıtarymsyz negizde ár azamatqa 1 mıllıon teńgege deıin beriledi. Búgingi jańa qonys ıeleriniń 184-i de atalǵan sertıfıkatty alyp, baspanaly bolyp otyr.

Jalpy, «Turan» shaǵynaýdanynda úlestirilip jatqan 27 turǵyn úıdiń 1 728 páterine ótinimder bıyl «Otbasy bank» arqyly «Shańyraq» baǵytymen qabyldanǵan bolatyn. Páterler kezeń-kezeńimen úlestiriledi.

Baǵdarlamanyń talaptaryna sáıkes, turǵyn úı kezeginde turǵan azamattar otbasynyń ortaq tabysy eń tómengi kúnkóris deńgeıiniń 3,7 eselengen mólsherinen aspaǵan jaǵdaıda qatysa alady. 2021 jylǵa bul tabys 126 917,4 teńgeni qurady.

Jyldyq mólsheri 5 paıyzdan aspaıtyn, alǵashqy jarna 10 paıyzben, 20 jylǵa jańa turǵyn úılerdi satyp alý múmkindigi qarastyrylǵan. Eger azamattardyń aı saıynǵy tabys kózi jetpeı jatqan jaǵdaıda, týysy nemese jaqyny kepil bola alady.

Qatysty tegter :

Pikir qaldyrý

Qatysty Maqalalar