Shymkentti turǵyndardyń ómir súrýine qolaıly ári qaýipsiz qala etý maqsatynda jyl saıyn kóshelerge jáne kóp qabatty turǵyn úılerge qoıylyp jatqan beınebaqylaý kameralarynyń sany artyp keledi.

Shymkent ákimi Murat Áıtenov «Ońtústik» telearnasynyń «Ákim saǵaty» baǵdarlamasynda qalaǵa ótken jyly 3 153 kamera, bıyl 3 177 kamera qoıylǵanyn aıtty. Onyń ishinde 4 441-i qoǵamdyq qaýipsizdikti saqtaýǵa, 1889-y jol qaýipsizdigine baǵyttalǵan. Olardyń barlyǵy Polısıa departamentine qarasty jedel basqarý ortalyǵy arqyly basqarylady.

Jedel basqarý ortalyǵynyń tehnıkalyq bazasy da jańartyldy. Nátıjesinde kameralardy sholý 3 esege artty. Sergek kameralaryna qaraıtyn 32 avtomattandyrylǵan jańa jumys orny quryldy. Beıneqabyrǵalarǵa buryn eki júıe qosylǵan bolsa, endi olardyń sany 8-ge ósti, ıaǵnı áleýmettik nysandar, sergek, GPS kartalar, pelko, INTEGRA-S qosyldy.

Tártip, tazalyq pen jol erejesin saqtaý, jalpy qaýipsizdigimiz úshin kameralardyń mańyzy orasan zor.