Shymkent qalasy Ońtústik Qazaqstan medısına akademıasynyń stýdentterine QR Prezıdenti Q.Toqaevtyń Qazaqstan halqyna arnaǵan joldaýy nasıhattaldy. Shymkent qalalyq ishki saıasat basqarmasynyń uıymdastyrýymen ótken jıynda aqparattyq-nasıhattyq top múshesi, OQMPÝ-diń «Rýhanı jańǵyrý jáne tárbıe» bóliminiń basshysy Q.Anarbaev, OQMA basqarma basshysy Erbol Sálim stýdentterge Joldaý júktegen mindetterdi túsindirdi.
Joldaý jarıalanǵan kúnnen bastap OQMA stýdentterine mańyzdy qujatty nasıhattap kelemiz. Búginde akademıada 7 myńnan asa stýdent bilim alyp otyr. Keshegi pandemıa kezinde bilikti dárigerlerge degen suranys artty. Biz ár stýdenttiń myqty maman bolyp, elge qyzmet etýin qamtamasyz etý úshin kúsh salyp kelemiz, - dedi E.Sálim.
Tarıh ǵylymdarynyń kandıdaty Q.Anarbaev Joldaýdaǵy bes basymdyqqa toqtaldy. — Respýblıkada 1997 jyldan búginge deıin 942 mektep salynǵan. Al, Memleket basshysy Q.Toqaev 2025 jylǵa deıin 1000 mektep salý qajet ekenin aıtty. Bul Qazaqstandaǵy demografıalyq ósimdi jáne ony sapaly bilimmen qamtý úshin júıeli jumys júrgizilip otyrǵanyn kórsetedi.
Sondaı-aq, Q.Toqaev «Bizdegi dári-dármek pen medısınalyq qural-jabdyqtyń 17 paıyzy ǵana – otandyq ónim. 2025 jyly ony 50 paıyzǵa jetkizý qajet» degen bolatyn. Bul densaýlyq salasynyń zaman talabyna saı qaıta jańǵyratynyn kórsetip otyr,- dedi Q.Anarbaev. Jıyn sońynda stýdentter nasıhattyq top múshesimen pikir almasyp, saýaldaryn qoıdy.
