Shymkent qalasynda koronavırýs ınfeksıasy men pnevmonıaǵa shaldyqqan naýqastardy emdegen «Atameken» ortalyǵynyń mamandary ońaltý emin qaıta jalǵastyrmaq.

Ortalyqta bıyl qarasha aıynan bastap túrli jaraqat alǵan jáne derti asqynǵan naýqastarǵa reabılıtasıalyq kómek kórsetiledi. Ońaltý emi naýqastarǵa tegin júrgiziledi. Ol úshin pasıent tirkelgen mekenjaıy boıynsha emhanadan joldama arqyly keledi.

Naqtyraq aıtqanda, «Atameken» reabılıtasıa ortalyǵynda ınsýlt, travmatologıalyq otalardan keıingi, COVID-19 pnevmonıadan keıingi erte reabılıtasıa táýlik boıy stasıonarly deńgeıde tegin júrgiziledi.

«Atameken» reabılıtasıa ortalyǵyna kelgen árbir naýqaspen arnaıy bilikti mamandar toby jumys isteıdi. Pasıenttiń jaǵdaıyn jeke baǵalap, em-shara taǵaıyndaıdy. Ortalyqta fızıo em, ıgloterapıa, massajdyń túrleri, logopedıalyq massaj jáne emdik deneshynyqtyrý arnaıy ınstrýktor mamanynyń baqylaýymen júrgiziledi.

Sondaı-aq reabılıtolog, nevropatolog, travmatolog, pýlmonolog, psıholog, logoped jáne t.b. jeke beıindi mamandyrdyń keńesin tegin alýǵa bolady.