"Qazgıdromet" sınoptıkteri qarashaǵa arnalǵan aýa raıy boljamyn jarıalady.

Sınoptıkter boljamynsha, birinshi 10 kúndik basynda Qazaqstannyń soltústiginde, shyǵysynda jáne ortalyǵynda, 3 qarashadan bastap eldiń ońtústik óńirlerinde, 10 kúndiktiń sońynda respýblıkanyń soltústik-batys jartysynda atmosferalyq fronttar áserinen tuman, kóktaıǵaq, jel ekpininiń kúsheıýi (soltústik jartysynda qarly boran) jańbyr jáne qar túrinde jaýyn-shashyn kútiledi.

3-4 qarashada respýblıkanyń basym bóligi Qara teńiz óńirlerinen yǵysqan aýqymdy sýyq antısıklon yqpalynda bolady, aýa temperatýrasy tómendep (batys óńirlerdi qospaǵanda), aıaz bolady dep boljanady.

• Qazaqstannyń batysynda túnde 0, +8 gradýstan -5 +2 gradýsqa deıin, kúndiz +10 +18 gradýstan 0, +10 gradýsqa deıin;
• Respýblıkanyń soltústik-batys jartysynda, ortalyǵynda jáne shyǵysynda túnde -5 +5 gradýstan -5 -15 gradýsqa deıin, shetki shyǵysta -20 gradýsqa deıin, kúndiz +2 +8 gradýstan -3 -10 gradýsqa deıin;
• respýblıkanyń ońtústigi men ońtústik-shyǵysynda túnde -3 +5 gradýstan -1 -13 gradýsqa deıin, kúndiz +10 +16 gradýstan -5 +3 gradýsqa deıin tómendeıdi.

Biraq aı ortasynan bastap temperatýra fony birtindep joǵarylaıdy dep kútiledi.

"Ekinshi 10 kúndiktiń birinshi jartysynda Qazaqstannyń basym bóliginde aýa raıy soltústik-batys sıklon áserine qaraı anyqtalady, sondyqtan turaqsyz aýa raıy kútiledi: jaýyn-shashyn bolady (negizinen, qar túrinde), ekpindi jel soǵyp, burqasyn bolady. Odan keıin sýyq aýa massalaryna baılanysty ekinshi 10 kúndiktiń aıaǵynda, úshinshi 10 kúndiktiń basynda jáne aıaǵynda temperatýralyq fon tómendeıdi dep kútiledi" delingen "Qazgıdromet"  habarlamasynda.

Respýblıkanyń soltústiginde, soltústik-batysynda, shyǵysynda jáne ortalyǵynda sýyq kúnderi termometr baǵany túnde -17 -25 gradýsqa deıin, kúndiz -8 -13 gradýsqa deıin tómendeıdi. Respýblıka boıynsha, aýa temperatýrasy - túnde -5 -17 gradýsqa deıin, kúndiz -2 -7 gradýsqa deıin tómendeıdi.

Kúndiz eldiń soltústik jartysynda aıaz basylyp, aýa temperatýrasy  +3+12 gradýsqa deıin jylynady.