Muqaǵalı Maqataevtyń 90 jyldyǵyna arnalǵan «Muqaǵalı» kórkem fılminiń premerasy Qazaqstan boıynsha alǵash bolyp Shymkent qalasynda ótti.
«Muqaǵalı» kórkem fılmi QR Mádenıet jáne sport mınıstrliginiń tapsyrysy boıynsha túsirilgen. Onda aty ańyzǵa aınalǵan aqyn ómiriniń sońǵy jyldary týraly baıandalady. Fılminiń túsirilimi 2019 jyldyń jazynda bastaldy. Kórkem týyndynyń sújeti ótken ǵasyrdyń 50-70-shi jyldardyn qamtıdy. Rejıser Bolat Qalymbetovtiń aıtýynsha, eski Almatyǵa uqsas qalany tabý úshin, túsirilim toby Qazaqstannyń túkpir-túkpirin aralaǵan. Nátıjesinde shyǵarmashylq top eski kósheleri men úıleri jaqsy saqtalǵan Óskemen qalasyn tańdady.
Negizgi túsirilimder Óskemen, Almaty, Sankt-Peterbýrg qalalarynda, sondaı-aq Almaty oblysynda ótti.
Kóptegen úmitkerler arasynda basty rólge Mahambet Ótemisov atyndaǵy Atyraý oblystyq drama teatrynyń ártisi, jas akter Abylaı Janbalaev bekitildi. Sondaı-aq, kórkem týyndydan kórermender Nurǵısa Tilendıev, Baýyrjan Momyshuly, Farıza Ońǵarsynova, Lashyn Álimjanova syndy uly tulǵalardyń da beınesin baıqaıtyn bolady. Fılmniń senarıin belgili jazýshy Júsipbek Qorǵasbek, rejıser Bolat Qalymbetov jáne Ǵazız Nasyrov jazǵan.
Premeraǵa zıaly qaýym ókilderi, aqyn, jazýshylar, Shymkent qalasynyń Qurmetti azamattary, kınorejısserler qatysty. Shymkenttik kórermen fılmdi jaqsy qabyldady.
