Qala turǵyndary endi arnaýly memlekettik járdemaqyǵa ótinishti eGov portalymen nemese HQO-ǵa júginý arqyly bere alady.

«Azamattarǵa arnalǵan úkimet» Shymkent qalalyq fılıalynyń ókilderi memleketten beriletin bul kómektiń túrin 20-ǵa jýyq arnaıy sanatqa jatatyn azamattar alalatynyn aıtady.

Búginde atalǵan járdemaqyny UOS ardagerleri jáne olarǵa teńestirilgen azamattar, qaıtys bolǵan UOS múgedekteriniń jesirleri jáne aýǵanstandaǵy nemese soǵys qımyldary júrgizilgen basqa memleketterdegi soǵys qımyldary kezinde qaza tapqan áskerılerdiń otbasylary alǵan. Budan bólek, qorshaýda qalǵan Lenıngrad turǵyndary, kámeletke tolmaǵan burynǵy konslager tutqyndary men Chernobyl AES-daǵy jáne basqa da apattyń zardaptaryn joıýǵa
qatysýshylardyń otbasylary alyp kelgen.

Járdemaqyny HQO nemese eGov.kz elektrondyq úkimet portaly arqyly alýǵa ótinish berý úshin tómendegi qujattardy usyný qajet:

- belgilengen úlgi boıynsha ótinish;
- jeke basyn kýálandyratyn qujat;
- bank shoty boıynsha málimetter;
- járdemaqyny alý quqyǵyn rastaıtyn qujat.

Esterińizge sala keteıik, erekshe qajettilikteri bar azamattarǵa járdemaqy alý úshin HQO-ǵa barýdyń qajeti joq. Mundaı jaǵdaılarda HQO qyzmetkerin úıge shaqyrý qyzmeti bar. Ol úshin Biryńǵaı baılanys ortalyǵynyń 1414 nómirine qońyraý shalyp, suranys qaldyrý qajet. HQO qyzmetkeri ótinish berýshimen baılanysady jáne klıentke barý úshin qolaıly ýaqytyn kelisedi.