Búgin - Qazaqstanda Rýhanı kelisim kúni. Osy dataly merekege oraı Shymkent qalasy ákiminiń birinshi orynbasary Sh.Muqan dinı konfesıalardyń basshylarymen kezdesti.
Shara barysynda taraptar ózara pikir almasyp, dinaralyq qarym-qatynas máselelerin talqylady.
Kezdesýde sóz alǵan qala basshysynyń birinshi orynbasary 1992 jyldan bastap bul kún elimizde ataýly kún retinde atalyp keletinine toqtalyp, qaladaǵy dinı konfesıalardyń ózara yntymaq-birligi men qoǵamdaǵy rólin sóz etti.
Basqosýda Qazaqstan musylmandary dinı basqarmasynyń Shymkent qalasy boıynsha ókil ımamy Baqdaýlet Abdrahmanov, «Kazanskoı ıkony Bojıeı materı» jergilikti pravoslavıelik dinı birlestigi protoıereıiniń kómekshisi Alekseı Korolevskıı jáne Shymkent qalasynyń «Agape» İnjildik hrıstıan shirkeýiniń pastory Andreı Shatalovtar sóz sóıledi.
Jıyn sońynda konfesıa ókilderi qala ákiminiń arnaıy alǵys hatymen marapattaldy. Sonymen birge Táýelsizdiktiń 30 jyldyǵy men «18 qazan – Rýhanı kelisim kúnine» oraı dinı konfesıa ókilderi arasynda tatýlyq pen kelisimdi nyǵaıtý, buqaralyq sportty nasıhattaý, salaýatty ómir saltyn dáripteý maqsatynda ótkizilgen kishi fýtbol jarysynyń 1 oryn júldegeriniń dinı birlestik jetekshisine kýbok tabystaldy.
Shymkent qalasynda 11 konfesıany bildiretin 118 dinı birlestik tirkelgen.
