Shymkentte 302 015 adam ıaǵnı, turǵyndardyń 27,5 paıyzy onlaın sanaqtan ótken. Búginge deıin dástúrli sanaq barysynda 404 666 azamat tirkelip, jalpy qalada ulttyq sanaqqa qatysqan halyqtyń úlesi 64,3 paıyzdy qurady.

Qazir qalada 172 nusqaýshy-baqylaýshy jáne 1 207 ıntervúer úılerdi aralap, tikeleı halyq sanaǵyn ótkizýde. Turǵyn úılerge barǵan ıntervúerlerde halyq sanaǵynyń logotıpi bar kýálik, sómke, moıyn oraǵysh bolýy mindetti. Naýqan barysynda olar qoǵamdyq kólikterde tegin júrý múmkindigi de qaralǵan.

Bıyl 15 qazanda onlaın-sanaq aıaqtaldy. Internet jelisi arqyly júrgizilgen sanaq 1 qyrkúıekte bastalyp, 45 kúnge jalǵasty. Ulttyq statısıka búrosynyń Shymkent qalasy boıynsha departamentiniń málimetinshe, onlaın-sanaqtan ótkender sany boıynsha Qarataý jáne Abaı aýdandary jetekshi orynda.

Naýqannyń onlaın túrinen ótpegen azamattar ıntervúerlerdiń saýaldaryna jaýap bere otyryp,dástúrli sanaqtan ótetin bolady. Ulttyq halyq sanaǵy kezinde «1446» biryńǵaı call-ortalyǵy táýlik boıy jumys jasaýda. Aqparat ortalyǵyna qońyraý shalý tegin.

El úshin aıryqsha mańyzdy naýqan qorytyndysy qalanyń ekonomıkalyq, demografıalyq jáne áleýmettik jaǵdaıdy kórsetedi. Alynǵan derekter barlyq deńgeıdegi búdjetterdiń obektıvti qalyptasýyna negiz bolmaq.