Shymkent qalasynyń opera jáne balet teatrynda ulttyq mýzyka jaýhary – E.Brýsılovskııdiń «Qyz Jibek» operasy qoıyldy. El Táýelsizdiginiń 30 jyldyǵy qarsańynda qoıylym jańasha stılde sahnalanǵan.

Bul joly operanyń mýzykasy qaıta redaksıalanyp, jańa akýstıkalyq, kompúterlik, jaryq berý tehnologıasy qoldanyldy. Qoıylym – horeografıa tujyrymdamasy men keıipkerlerdiń oınaý, sóıleý, án aıtý tásilderi arqyly qazaqtyń dástúrli óneriniń basymdyǵymen erekshelenedi.

Qazaq óneriniń altyn qoryna engen 2 aktili 4 kórinisti operaǵa jańa tásil engizý úshin reseılik rejıser Mıhaıl Pandjavıdze shaqyrylyp otyr.

Sahnada Áıkerim Sháripbek Jibektiń partıasyn oryndap, tyńdarmandarǵa náziktik, sabyrlylyq, bıazylyq sezimderiniń shynaıylyǵyn jetkizdi. Al Tólegenniń obrazyn Mádihan Dýıseev somdap shyqty.

Operany tamashalaýǵa kelgen kórermen zalǵa toly boldy. Mádenı keshten rýhanı azyq alǵan kópshilik erekshe áser alǵandaryn jasyrmaı, rızashylyqtaryn bildirýde.

Shymkent qalasy ákimdiginiń baspasóz qyzmeti