Búgin Shymkent qalasynyń ákimi «Nurly jer» memlekettik baǵdarlamasy aıasynda salynyp jatqan birqatar turǵyn úı qurylystarynyń barysyn qadaǵalady.

Merdiger mekemeler basshylarymen jumys barysy, ózekti máseleler jáne olardy sheshý joldary talqylandy. Júktelgen jumystardy sapaly jáne merzimderinde aıaqtaýdy mindettedi.

Atalǵan baǵdarlama sheńberinde qurylys basqarmasynyń tapsyrysymen jalpy 287 myń sharshy metrdi quraıtyn 4832 páterli 79 kópqabatty turǵyn úıdiń qurylysy júrgizilýde. Onyń ishinde kredıttik 57 úı, arendalyq 22 úı. Bıylǵy jyly 39 úı paıdalanýǵa beriledi. Barlyǵy 141 myń sharshy metrdi quraıtyn 2432 páter tapsyrylady.

Qurylysy júrgizilip jatqan 6 arendalyq úı ákimshilik-iskerlik ortalyǵynda, kredıttik 4 turǵyn úı Arǵynbekov kóshesiniń boıynda ornalasqan. Al, kópqabatty 61 úı Turan shaǵyn aýdanynda salynýda.