Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysynyń birinshi orynbasary T.Serikbaev qalalyq qylmystyq-atqarý júıesi departamentiniń qyzmetkerlerimen kezdesti.

Sonymen qatar, atalǵan jıynǵa qalalyq qylmystyq-atqarý júıesi departamenti basshysynyń m.a. P.Isaqbaev, «Shymkent-adaldyq alańy» jobalyq keńsesiniń basshysy J.Qambar, qurmetti memlekettik qyzmetshi B.Ibatova men aqparattyq-aǵartýshylyq shtabynyń múshesi Q.Anarbaev qatysty.

Kún tártibindegi basty másele – sybaılas jemqorlyqtyń aldyn alý, jemqorlyqqa qarsy is-qımyldy kúsheıtý jóninde qabyldanǵan mańyzdy zańnamalyq sharalardan habardar etý, ujymdaǵy parasattylyq qundylyqtaryn dáripteý.

Maqsatty jıynda Talǵar Serikbaev Memleket Basshysynyń tapsyrmalaryn iske asyrý aıasynda sybaılas jemqorlyqtyń aldyn alý boıynsha atqarylyp jatqan jumystardan habardar etti.

Qatysýshylarǵa sybaılas jemqorlyqqa qarsy zańnamaǵa engizilgen ózgerister, Prezıdent joldaýy men jemqorlyq quqyqbuzýshylyqtary úshin jeke jaýapkershilik normalaryn bile turyp, aldyn alý sharalaryn qoldanbaǵan basshylarǵa qatysty jazanyń qatańdyǵyn eskertti.

Agenttik jumysynyń ashyqtyǵy men tıimdiligin túsindirip, turmystyq jemqorlyqty joıýda azamattyq belsendilik tanytýdyń mańyzdylyǵyna toqtaldy.
Sybaılas jemqorlyq faktilerine tap bolǵan azamattar Departamentke nemese Agenttiktiń 1424 Call-ortalyǵyna habarlasa alatyndyǵy aıtylyp, jemqorlyq quqyq buzýshylyq týraly habarlaǵan nemese jemqorlyqqa qarsy is-qımylǵa ózge de jolmen járdemdesetin tulǵalar úshin zańnamalyq túrde birjolǵy aqshalaı syıaqylar belgilengendigi habarlandy.

Aıta keteıik, bıylǵy jyly jalpy ótinishteri boıynsha sybaılas jemqorlyq quqyq buzýshylyqtarynyń jolyn kesýge yqpal etken 11 tulǵa kótermelengen. Olardyń syıaqy mólsheri 2 mln.tenge shamasynda somany quraıdy.