Igi is jasap jarysatyn tulǵalar arasynda «Qaıyrymdylyq kerýeni» baıqaýyna irikteý bastaldy. Atalǵan saıys bıyl respýblıka kóleminde 4-shi ret ótkiziledi. Bul týraly, arnaıy ótken brıfıńte qalalyq isker áıelder qaýymdastyǵy tóraıymy Elmıra Sozaqbaeva aıtty.

«Qaıyrymdylyq kerýeni» baıqaýy izgi is jasaýǵa asyqqan azamattar arasynda jyl saıyn ótkiziledi. Meıirimge toly is-sharanyń negizgi maqsaty – áleýmettik kómekke zárý jandarǵa kómek qolyn sozý. Jomart jandardyń isin buqaraǵa nasıhattaý.

Elmıra Sozaqbaeva, Shymkent qalasy boıynsha İsker áıelder qaýymdastyǵynyń tóraıymy
- Baıqaý jyl saıyn Qazaqstan damýyna qomaqty úles qosqan batyl, qamqor jandardy, mesenattar men naǵyz patrıottardy anyqtaıdy. Baıqaýdy N.Nazarbaev Qory, Qazaqstannyń isker áıelder qaýymdastyǵy, «Oqjetpes» emdeý-saýyqtyrý kesheni, «Habar» agenttigi, «KTK» telearnasy júzege asyrady.

Qatysýshylar 7 nomınasıa boıynsha saıysqa túsedi. Atalǵan nomınasıalar qoǵamdaǵy túıtkildi máselelerdi sheshýge at salysqan azamattarǵa beriledi. Jeńimpazdarǵa «Oqjetpes» emdeý-saýyqtyrý keshenine joldama beriledi.

Asem Ádilbekova, Shymkent qalasy boıynsha İsker áıelder qaýymdastyǵy tóraıymynyń orynbasary «Asar» nomınasıasy halyqtyq salt-dástúrdi saqtaýǵa baǵyttalǵan qaıyrymdylyq qyzmetti atqaratyn jandarǵa tabystalady. «Týǵan jer» nomınasıasy bilim berý, ekologıa jáne abattandyrý, mádenı nysandardy qalpyna keltirý salalarda týǵan ólkesine qaıyrymdylyq kórsetken laýreatqa tabystalady. «Batyl júrek» nomınasıasy erlik pen qaısarlyq tanytqan adamdarǵa beriledi. Bul nomınasıa sheńberinde shuǵyl qyzmet – TJ, İİM, Jedel járdem qyzmetkerleriniń arasynda eń úzdikterge qosymsha jeńimpaz ataǵy berilýi múmkin.

Uıymdastyrýshylardyń sózinshe «Meıirim jolynda» nomınasıasymen qaıyrymdylyqpen turaqty túrde aınalysatyn azamattar marapattalady. «Qaıyrymdylyq tarıhy» qoǵamdaǵy ózekti máselelerdi jarıalaǵan jýrnalıs nemese shyǵarmashylyq topqa beriledi. Al «Bala júregi» nomınasıasy tótenshe jaǵdaıda erlik kórsetken jasóspirimderge tabystalady.

Qaıyrymdy jandar arasyndaǵy baıqaýǵa ótinim berý 30-qarashaǵa deıin jalǵasady. Al irikteý jeltoqsannyń 1 men 31 aralyǵynda ótedi. Dástúr boıynsha úzdikterdi marapattaý rásimi 26 aqpanǵa josparlanýda.