Shymkent qalasynyń Soltústik bóligi tolyq taza aýyz sýmen qamtylmaq. Qazan aıynyń sońyna deıin josparlanǵan qurylys jumystarynyń qazir 91 paıyzy aıaqtalǵan. Búginde tolyq sany 20 myńǵa jýyq turǵyndy taza aýyz sýmen qamtý maqsatynda qubyrlardy jalǵaý jumystary júrip jatyr.

Bul qubyrlar – otandyq ónim. Qalanyń soltústik bóligin tolyq taza aýyz sýmen qamtıtyn sýaqqynyń 50-den 100 jylǵa deıin jaqsy jumys isteıtin kepildigi bar. Aǵymdaǵy jyldyń qazan aıynyń sońyna deıin atalǵan sýaqqydan turǵyndar taza aýyz sý ala alady.

Qazirgi tańda 11 shaqyrymǵa josparlanǵan sýaqqyny ornatý jumysynyń 91 paıyzy oryndalǵan. Jyl aıaǵyna deıin 10 eldimekendi taza aýyz sýmen qamtý josparlanyp otyrǵan kórinedi. Olardyń qatarynda «Dostyq», «Asar-2», «Igilik», «Jańatalap», «Soltústik saıajaı» shaǵynaýdandary bar. Tolyq esepte 20 myń abonementke sý berý josparda deıdi jaýaptylar.

Nurǵalı Qosmuratov, Sý qubyry jáne kanalızasıa basqarmasynyń dırektory
- «Dostyq» móltekaýdanynda biz 48 sharshy metrge 37 mıllıonǵa ınvest baǵdarlama boıynsha burynǵy aq trýba deıdi, sony aýystyrdyq. Azat, Qaıtpas-2, 2km 700 pogonometrdi aýystyryp otyrmyz. Sonyń kesirinen avarıalyq jaǵdaılar tómendep otyr. 1:34 Halyqqa tolyqqandy, 100 paıyzǵa berý jóninde qazir memleket tarapynan 11 mln qarajat bólinip otyr. Ol 10 eldimekendi qamtyp otyr. Qazir 3 merdiger jumys istep jatyr.

2021-2025 jyldar aralyǵynda jańa 5 jyldyq merzimge jalpy qarajaty 750 mıllıonnan asatyn ınvestısıalyq baǵdarlama engizilgen. Onyń 309 mıllıon teńgesi 2021 jylǵa ótken. Sondaı-aq, bıyl sý jelilerinde oryn alatyn apattyq jaǵdaılardyń sany 500-den 300-ge deıin tómendegen