Shymkentte epıdemıologıalyq jaǵdaı turaqty. Bul týraly qalalyq densaýlyq saqtaý basqarmasynyń basshysy Baqytjan Pozılov baspasóz otyrysynda málimdedi. Degenmen, arqany keńge salýǵa áli erte degen megapolıstiń bas dárigeri, kún sýyta órshıtin tumaý maýsymyna daıyn bolýymyz kerek, dep túıdi.

Dál qazirgi tańda koronovırýs ınfeksıasyn juqtyrǵan 1136 naýqas tirkelgen. Onyń, 406-y stasıonarda em qabyldaýda. Ol jerdiń tósek-oryn tolymdylyǵy 50% qurap otyr. Osy oraıda, epıdemıologıalyq ahýaldyń turaqtalýyna baılanysty qalada 2977 tósek – orny jabylǵan. Al, jan saqtaý bóliminde 364 oryn qysqartylypty. Qalǵan 180 tósektiń búginde 68 –i bos emes eken. Jyl basynan beri vırýs juqtyrǵan 34 811naýqas anyqtalsa, onyń 33 191 emdelip shyqqan. Ókinishke oraı, 1134 adam aýrýynan aıyqpastan kóz jumǵan. Olardyń basym kópshiligi vaksına saldyrmaǵan, deıdi megapolıstiń bas dárigeri.

Baqytjan Pozılov, Shymkent qalalyq densaýlyq saqtaý basqarmasynyń basshysy
- Búginde kornovırýspen qatar tumaýǵa qarsy ekpe egý jumystary júrgizilýde. Osy oraıda, vaksınalardyń ýaqyt ara qashyqtyǵyn qatań saqtaý qajet, deıdi salaǵa jaýapty basqarma basshysy. Qalada 45 ekpe egý pýnkti bar. Olar tańǵy saǵat 8 den bastap keshki 20:00 deıin jumys jasaıdy. COVID-19 indetine qarsy ekpeniń búginde 1-shi komponentin 89,3% adam saldyrsa, 2 komponentin saldyrǵandardyń kórsetkishi 74,2% qurap otyr.

Shymkenttiń bas dárigeniń sózine sensek, qalada COVID-19 indetine qarsy eki aılyq dárilik zattar jáne medısınalyq buıymdar qory jetkilikti. Bul rette dene qyzýyn tómendetetin dáriler 1 mln. 261 myń naýqasqa, vırýsqa qarsy preparattar 217 675 naýqasqa, antıbıotıkter 313 801 naýqasqa, antıkoagýlánttar 13 383 naýqasqa, gormonaldy preparattar 53 192 naýqasty emdep shyǵýǵa jetkilikti kórinedi.