Mal sharýashylyǵyn jem-shóppen qamtamasyz etý maqsatynda Shymkent qalasy boıynsha 2021-2022 jyldarǵa arnalǵan jem-shóp daıyndaý is-shara jospary bekitildi.

2021 jylǵa «Asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdıalaý» baǵdarlamasy boıynsha aýyl sharýashylyǵy taýar óndirýshilerge iri qara, qoı, jylqylardyń analyq basyna arnalǵan jem-shóp satyp alý shyǵyndaryn arzandatý boıynsha qajetti qarjy kólemi anyqtaldy. Osyǵan sáıkes, jergilikti búdjet qarajaty esebinen 248,0 mln teńge qarjy qarastyrylyp, qala ákimdiginiń qaýly jobasy daıyndalýda.

Qýańshylyqtan saqtaýdy jetildirý boıynsha qala aýmaǵynda sharýashylyqtarmen birlese jumystar atqarylýda.
«Qasqasý-S» sharýa qojalyǵynda mal azyqtyq daqyldar egiletin jerge tamshylatyp sýǵarý ádisimen bir jylda 4 ret ónim alý josparlanýda. Shetel tájirıbesin paıdalana otyryp mal azyqtyq daqyldardy egý úshin aldyn ala topyraqtyń quramyn zertteý jumystary júrgizilýde.

Sonymen qatar, atalǵan sharýashylyq bazasynda gıdroponıkalyq ádisti qoldananý arqyly shyryndy mal azyǵyn daıyndaý josparlanýda. Ádistiń tıimdiligi, 2 kg astyq dánin seýip, 7 kúnde 12 kg shyryndy mal azyǵyn alyp, ónimdilikti joǵarylatý.
Bul ádis boıynsha aldaǵy ýaqytta sharýashylyqtarǵa arnaıy semınarlar ótkizý josparlanýda.