Shymkent qalasy boıynsha 2021-2025 jyldarǵa arnalǵan «Ózgerister joly: Ár azamatqa laıyqty ómir!» saılaýaldy baǵdarlamasyn iske asyrý maqsatynda daıyndalǵan Jol kartasyndaǵy is-sharalardyń oryndalý barysyn baqylaý maqsatynda «Nur Otan» partıasy Shymkent qalalyq fılıaly tóraǵasynyń birinshi orynbasary J.Bektaevanyń jetekshiligimen partıa fraksıasynyń jetekshisi qalalyq maslıhat depýtaty B. Týlegenov, fraksıa músheleri qala maslıhat depýtattary M.Joldyhodjaev, B.Qydyrbaev, L.Sýlaımanov qalalyq jumyspen qamtý jáne áleýmettik qorǵaý basqarmasynda boldy.

Shymkent qalasynyń jumyspen qamtý jáne áleýmettik qorǵaý basqarmasy tarapynan «Nur Otan» partıasynyń saılaýaldy baǵdarlamasy boıynsha 13 tarmaq bekitilgen. Búgingi tańda, tarmaqtar boıynsha birqatar jumystar atqarylyp, 5 tarmaq josparǵa sáıkes oryndalǵan.

Atap aıtqanda, basqarmaǵa qarasty «Shapaǵat» múgedekterge arnalǵan ońaltý ortalyǵy» KMM-niń ishinen «Teń qoǵam» sektory aǵymdaǵy jyldyń maýsym aıynda iske qosyldy. Balalar úıleriniń túlekterin áleýmettik beıimdep, jumysqa ornalastyrý, 2000-nan kem emes jobany iske asyrý úshin 200 AEK kóleminde granttar usyný jáne keminde 15 myń jasqa jastar praktıkasyn ótkizýge múmkindik berý qarqyndy júrgizilýde. Sondaı-aq, kópbalaly jas otbasylarǵa arnalǵan «Shańyraq» psıhologıalyq, quqyqtyq, kásiptik keńes berý ınstıtýty iske asyryldy.

Jol kartasynyń 60-shy is-sharasynda 2021 jylǵa 14 233 azamatty turaqty jumys ornymen qamtý josparlanyp, búgingi kúni oryndalǵanyn jetkizdi. 2021 jyly memlekettik jáne salalyq baǵdarlamalar negizinde 23 722 jańa jumys oryndary (14 233 – turaqty, 9489 – ýaqytsha) ashylatyny josparlanyp, naqty 21 042jumys orny ashyldy (88,7%) (13 050 oryn (91,7%) – turaqty, 7 992 oryn (84%) – ýaqtysha jumys orny).

Aldaǵy ýaqytta qalǵan tarmaqtar boıynsha josparǵa sáıkes jumystardyń júıeli ári nátıjeli oryndalýyn partıa tarapynan jiti baqylaıtyn bolady.