Aqtóbe oblysynyń ákimi Ońdasyn Orazalın QR İshki ister mınıstriniń orynbasary Sáken Sársenovpen jumys babymen kezdesti.

Kezdesý barysynda óńirde memleket basshysynyń qylmystyq isterdi elektrondy formatqa aýystyrý, sonymen qatar tergeýshilerdiń, ​ jedel ýákilder men ishki ister organdarynyń halyqpen ózara áreket etetin basqa da qyzmetkerleriniń kabınetterine beıne baqylaý kameralaryn ornatý boıynsha tapsyrmasynyń júzege asyrylý barysy talqylandy.

«Ákimdik tarapynan qajetti materıaldyq kómek kórsetildi. 1 jeltoqsannan bastap İİD-niń jedel basqarý ortalyǵy men Nur-Sultan qalasyndaǵy jedel basqarý ortalyǵyna shyǵaratyn barlyq kabınetterde kamera turady dep oılaımyn»,- dedi Sáken Sársenov.

Sondaı-aq,óńirdegi qoǵamdyq keńistikter men mektepterdi beıne baqylaý kameralarymen qamtý suraqtary da qaraldy. Bul kameralar da quqyqqa qaıshy áreketterdiń aldyn alyp, tez áreket etý úshin tikeleı oblystyq İshki ister departamentiniń jedel basqarmasyna shyǵarylýy tıis.