22 qazan, juma kúni Aqtóbe oblysynyń ákimi Ońdasyn Orazalın Aqtóbe qalasyn jumys babymen aralap shyǵyp, oblys ortalyǵyn damytatyn birqatar jobalardyń júzege asyrylýymen tanysty. Óńir basshysy Álıa Moldaǵulova dańǵyly boıyndaǵy shahmatshylar gúl baǵynyń abattandyrylý barysyn qarap shyqty. 

Gúl baǵynyń uzyndyǵy - 540 metr. Qalpyna keltirý jumystary qarasha aıynda aıaqtalady dep josparlanyp otyr. Shamamen 9,5 m2 qyrlanǵan kespe tastar tóselip, sýarý júıesi jańartylady, terekter, úıeńki men kópjyldyq gúlder otyrǵyzyldy, sonymen qatar, vorkaýt pen balalar oıyn alańdary ornatylady.

Óńir basshysy “KMK Stroı” JSHS merdiger mekemesiniń basshylyǵyna sapaly jumysty qamtamasyz etýdi tapsyrdy. Máskeý aýdanynda oblys ákimi S.Seıfýllın kóshesindegi avtokólik jolynyń jóndeý barysyn qarap shyqty. Jumys eki kún ishinde bitý kerek.

Aıta keteıik, bıyl Máskeý aýdanynyń Másoedov, Ozernaıa, Ekpindi, Mendeleev, Biltabanov, Pýshkın, Cherepanov, Ostrovskıı, Jamanqulov, Lýgovaıa, Muńaıtpasov sıaqty barlyǵy onnan astam kóshesiniń avtokólik joldarynyń jóndeý jumystary aıaqtaldy. Sonymen qatar, jóndelip jatqan kóshelerdi syrtqy jaryqtandyrýmen qamtamasyz etý jumystary júrgizilýde.

Aýdan turǵyny Vladımır Dolgopolov:

«Bul jerge qashan asfált tóselgeni esimde joq. Osy Seıfýllın kóshesine, ıaǵnı burynǵy Qyzyl kóshesine asfált Keńes zamanynda tóselgen edi, Cherepanov kóshesinde múldem asfált bolmaǵan. Konteınerlerdi qoıǵan, qoqys endi ushpaıtyn bolady»,- dedi oblys ákimine.

Óńirde jospar boıynsha úshaýysymdyq oqýdyń máselesi sheshilip jatyr, sonyń ishinde jumys jasap jatqan mektepterdiń ǵımarattaryn japsarlastyryp jańa korpýs salý esebinen keńeıtý arqyly.

Japsarlastyrylyp salynǵan jańa korpýs búgin oblys ákimi Ońdasyn Orazalın barǵan № 53 mekteptegi úshaýysymdyq oqýdyń máselesin de sheshti. Bul mektepte búginde 2 myń bala oqıdy.

Aıta keteıik, Aqtóbe oblysynda mektepterdegi oryn tapshylyǵyn joıý jónindegi besjyldyq baǵdarlama jasalǵan bolatyn. Soǵan sáıkes, 2025 jyly 54 mektep salynady.

Budan ózge, óńir basshysy «Nur-Aqtóbe» turǵyn úı alabynyń birinshi shaǵyn aýdanyndaǵy gúl baǵynyń abattandyrylý jumystarymen tanysty. Jyl sońyna deıin munda súrleý taqtalary tóselip, jaıaýjoldar, jaryq, sýarý júıesi ornatylady, balalarǵa arnalǵan jáne sport alańdary, kúrkeler jáne t.b. qondyrylmaq.

Komýnaldyq qyzmetter gúl baǵyn kógaldandyrý jumystarymen jaryn aınalysatyn bolady. Jumys saparynyń sońynda oblys ákimi qala basshylyǵyna oblys ortalyǵyn ári qaraı abattandyrý men júzege asyrylyp jatqan jobalardyń ýaqytyly aıaqtalýyna qatysty birqatar naqty tapsyrmalar berdi.