Óńir basshysy Ońdasyn Orazalınniń tóraǵalyǵymen ótken jıynda eldi mekenderdi sanıtarlyq tazartý, abattandyrý jáne kógaldandyrý boıynsha eki aılyqtyń barysy qaraldy.
Ekologıalyq eki aılyq aıasynda eldi mekenderdiń aýmaǵyn sanıtarlyq tazartý, tal otyrǵyzý, ruqsatsyz tógilgen qoqystardy joıý jáne t.b. jumystary júrgizilýde.
8 qyrkúıek pen 17 qazan aralyǵynda barlyǵy oblys aýdandarynda alty, aqtóbe qalasynda úsh senbilik ótti. Oǵan apta saıyn ortasha alǵanda 14,9 myń oblys turǵyny qatysty.
Nátıjesinde, qoqys jınalǵan 679 oryn, 428 stıhıalyq qoqys joıylyp, 7 720 kóshet otyrǵyzylsa, onyń 3,5 myńnan astamy Aqtóbe qalasynda egildi.
Sanıtarlyq normalardy buzýshylardy anyqtaý jumystary kúsheıtildi. Myńǵa jýyq jeke jáne zańdy tulǵaǵa zańbuzýshylyqty joıý týraly nusqama berilip, 145 zańbuzýshyǵa jalpy somasy 3,4 mln teńgege aıyp pul salyndy.
Oblys ákimi barlyq baǵyttaǵy jumysty kúsheıtýdi, kógaldandyrý men kóshetterdiń aman qalýyna erekshe nazar aýdarýdy tapsyrdy.
