Oblys ákimi Ońdasyn Orazalın "Aqtóbe" jáne "Atyraý barystary" komandalary arasyndaǵy ulttyq lıganyń basketbol machyna bardy.

Jarys "Qonys" sport saraıynda ótip, 77:58 esebimen "Aqtóbe" jeńiske jetti.

"Atyraý barystary" - Qazaqstannyń myqty klýbtarynyń biri. Olar únemi alda keledi. Alaıda búgin jeńiske jetý múmkindigimiz teń boldy. Sondaı-aq, oıyn alǵash ret úı arenasynda jańa jattyqtyrýshy Elen Shakırova Rafaelqyzynyń basshylyǵymen ótkizilip jatqanyn aıtqym keledi. Ol sporttyń, keńes basketbolynyń ańyzy, olımpıada chempıony! Bul keshtiń artyqshylyǵy sol, kórermen sany jaǵynan  rekord jasady, esh jerde mundaı kóp jankúıer jınalmaıdy, jáne bizde shekteýler bar",- dedi Aqtóbe oblysynyń basketbol federasıasynyń tóraǵasy Almat Kenjeǵulov.
Óńir basshysyna 04 nómirli oıyn fýtbolkasy tartý etildi.

"Aqtóbe" basketbol klýby 2017 jyly qurylǵan. Joǵary deńgeıli kásipqoılyqtyń arqasynda 2019 jyly "Aqtóbe" BK QR Joǵary lıgasynyń chempıony boldy, 2020 jyly Ulttyq lıgada alǵash ret oınady.