Aqtóbe oblysynyń ákimi Ońdasyn Orazalınniń tóraǵalyǵymen ótken jıynda halyqtyń jumyspen qamtylýyn qamtamasyz etý jumystary talqylandy.
Jıynǵa oblys ákiminiń orynbasarlary, memlekettik organdardyń basshylary, Aqtóbe qalasy men aýdan ákimderi beınebaılanys arqyly qatysty.
Aqtóbe oblysynyń Jumyspen qamtýdy úılestirý jáne áleýmettik baǵdardamalar basqarmasynyń basshysy Aslanbek Shúınshalıev halyqtyń jumyspen qamtylýyn qamtamasyz etý jáne jumyssyzdyq deńgeıin tómendetý jónindegi «Eńbek» baǵdarlamasynyń júzege asyrylýy oń nátıje berip jatqanyn aıtty.
Barlyǵy, 1 qazandaǵy jaǵdaı boıynsha 32,3 myńnan astam jańa jumys orny, onyń ishinde 15,6 myńnan astam turaqty jumys orny qurylǵan.
«Jumyspen qamtýǵa járdemdesýdiń belsendi sharalarymen osy jyldyń qorytyndysy boıynsha 53 477 jumyssyz ben ózin ózi jumyspen qamtyǵandardy qamtý josparlanyp otyr, búginde jospar 87% oryndalyp, 46 558 adam qamtyldy. Atap aıtqanda, 2 myńnan asa adam tehnıkalyq jáne kásibı, sonyń ishinde qysqa merzimdi oqýǵa jiberildi. «Bıznes bastaý» jobasymen kásipkerlik negizderin 1498 adam oqyp, taǵy 1255 adam bıznes ıdeıalaryn júzege asyrý úshin jalpy somasy 695,4 mln. teńgege qaıtarymsyz grant aldy»,- dedi Aslanbek Shýınshalıev.
Jıyn sońynda oblys ákimi halyqtyń tıimdi jumyspen qamtylýyn qamtamasyz etý men jumyssyzdyq deńgeıin tómendetýge baılanysty birqatar tapsyrmalar berdi. Sonyń ishinde, óńir basshysy turaqty jumys oryndaryn ashýdy tapsyrdy, ásirese oblys aýdandarynda.
