2022 jyldyń 1 qańtarynan bastap balabaqsha tárbıeshileriniń, mektepter men kolejderdiń, sondaı-aq qosymsha bilim berý júıesi pedagogteriniń jalaqysy 25%-ǵa ulǵaıdy. Bul týraly bilim jáne ǵylym mınıstrligi habarlady.
Toqaevtyń tapsyrmasymen pedagogterdiń jalaqysy 2020 jyldyń qańtarynda 25%-ǵa jáne 2021 jyldyń qańtarynda taǵy 25%-ǵa ósken bolatyn.
Pedagogterdiń jalaqysy oqý júktemesine, bilim deńgeıine, biliktiliginiń, jumys ótiliniń, magıstr dárejesiniń bolýyna jáne basqa da qosymshalarǵa baılanysty esepteledi.
2021 jyly magıstrlik dáreje úshin ústemaqy alýshylar sheńberi keńeıtildi. Atap aıtqanda, ádistemelik kabınetterdiń ádiskerlerine magıstr dárejesi úshin qosymsha aqy belgilendi. Sondaı-aq, dene shynyqtyrý muǵalimderine sabaqtan tys ýaqytta qosymsha sport seksıalaryn ótkizgeni úshin tólemder jasalady.
Sonymen qatar, osy jyldyń 1 qańtarynan bastap kitaphanashylar, býhgalterler, zerthanashylar jáne bilim berý uıymdarynyń basqa da qyzmetkerleriniń jalaqysy ósti.
Pikir qaldyrý