NATO Reseıge áskerı aláns qaǵıdattary boıynsha ymyraǵa kelmeıtinin eskertti. "Eýropada jańa qarýly qaqtyǵystyń shyǵý qaýpi bar" dedi NATO Bas hatshysy Iens Stoltenberg.

Reseıdiń Ýkraına shıelenisin báseńdetýge qatysty negizgi qaýipsizdik talaptaryn NATO men Amerıka Qurama Shtattary qabyldamady. Biraq Máskeýmen qarý-jaraqty baqylaý, zymyrandardy ornalastyrý jáne Reseı-Batys arasyndaǵy áskerı oqıǵalardyń aldyn alý joldary týraly bolashaq kelissózder múmkindigine jol ashty.

Sheshimder NATO-Reseı keńesiniń sársenbide ótken otyrysynda qabyldandy, bul eki jyldan astam ýaqytta birinshi ret tirkelgen jaǵdaı. Batys negizgi talaptardy qabyldamaǵanyna qaramastan Reseı delegasıasy kelissózderden bas tartpaǵany taraptardyń kelissózderinen úmit ushqynyn baıqatty.  

Vladımır Pýtın Ýkraınamen qatar (NATO odaqtastary) Estonıa, Latvıa jáne Lıtva sıaqty Reseımen kórshiles elderden NATO áskerleri men áskerı tehnıkasy shyǵyp ketýin qalaıdy. Pýtın sondaı-aq 30 elden turatyn áskerı aláns basqa múshe elderdi qabyldamaýǵa keliskenin quptaıdy.

Kezdesý Reseı Ýkraınanyń shyǵys shekarasyna jaqyn jerde 100 000-ǵa jýyq jaýyngerlik daıyn áskerin, tanki men aýyr áskerı tehnıkasyn jınaǵanyna baılanysty shaqyryldy.

Reseı kórshisine shabýyl jasaýdyń jańa josparlary bar ekenin joqqa shyǵaryp, óz kezeginde Batysty onyń qaýipsizdigine qater tóndirdi dep aıyptaıdy.

Kezdesýge tóraǵalyq etken NATO Bas hatshysy Iens Stoltenberg NATO elderi men Reseı ókilderi "dıalogty qalpyna keltirý jáne bolashaq kezdesýler kestesin zertteý qajettigin bildirdi" dedi.

Biraq Stoltenberg Ýkraına týraly kez kelgen kelissóz ońaı bolmaıtynyn aıtty. Reseı 2014 jyly Ýkraınadan Qyrym túbegin aneksıalap alyp, Ýkraınanyń shyǵysyndaǵy separatısterdi qoldady. Sodan beri ondaǵy shaıqastar 14 myńnan astam adamnyń ómirin qıdy.

Stoltenberg jýrnalıserge Reseı Syrtqy ister mınıstriniń orynbasary Aleksandr Grýshko jáne Qorǵanys mınıstriniń orynbasary Aleksandr Fomınmen "óte baıypty jáne tikeleı pikir almasý" bolǵannan keıin Ýkraınanyń NATO-ǵa qosylý múmkindigine qatysty "NATO odaqtastary men Reseı arasynda bul máselede aıtarlyqtaı qaıshylyqtar bar" dedi.

"Eýropada jańa qarýly qaqtyǵystyń shyǵý qaýpi bar" dep qosty Stoltenberg.

Stoltenberg Ýkraınanyń bolashaq qaýipsizdik sharalaryn sheshýge quqyǵy bar ekenin, NATO jańa músheler qabyldaýdy jalǵastyratynyn jáne Pýtınniń áskerı uıym keńeıýin toqtatý týraly negizgi talabyn qabyldamaıtynyn atap ótti.

"Basqa eshkimniń aıtar sózi joq jáne árıne, Reseıde veto quqyǵy joq" dedi ol.