Densaýlyq saqtaý mınıstrligi 12 qańtar kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 9122 adamnan koronavırýs, 61 adamnan pnevmonıa anyqtalǵan. 11 qańtarda 3 adam koronavırýstan kóz jumǵan.

13 qańtardaǵy málimet boıynsha, 35 710 adam koronavırýs ınfeksıasynan emdelýde, olardyń ishinde 3 888 pasıent stasıonarda, 31 822 naýqas ambýlatorıalyq deńgeıde em qabyldaýda.

İndetke shaldyqqandar arasynda 206 adamnyń jaǵdaıy aýyr, 62 pasıenttiń jaǵdaıy óte aýyr, 38 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Nur-Sultan, Almaty, Shymkent qalalary jáne Atyraý, Aqtóbe Mańǵystaý, Qaraǵandy, Qyzylorda oblystary "Qyzyl" aımaqta.

Aqmola, Batys Qazaqstan, Pavlodar, Qostanaı oblystary "Sary" aımaqta.

"Jasyl" aımaqta: Almaty, Túrkistan, Jambyl, Soltústik Qazaqstan oblysy, Shyǵys Qazaqstan oblystary.

12 qańtardaǵy málimet boıynsha 9 037 214 adam vaksınanyń I komponentin, 8 585 758 adam II komponentin saldyrǵan.