Soltústik Qazaqstan oblysynda ónerkásiptik kásiporyndar bıylǵy jyldyń 11 aıynda 136 mlrd teńgeniń ónimin óndirgen. Bul ótken jyldyń sáıkes kezeńimen salystyrǵanda 104,9 % - ǵa artyq, dep habarlaıdy BNews.kz tilshisi.

«Ónerkásiptik óndiris qurylymynda óńdeý ónerkásibiniń úlesi basym –75,5%, elektr qýaty, gaz, bý jáne aýa baptaý salasynda – 19,2% boldy. Taý-ken ónerkásibi úlesi 1,3% - dy qurady», - dedi ındýstrıalyq - ınovasıalyq damý basqarmasy basshysynyń mindetin atqarýshy Marat Ysqaqov.

Óńdeý ónerkásibindegi fızıkalyq kólem ındeksi ótken jyldyń qańtar-qarasha aılarymen salystyrǵanda 2013 jyldyń sáıkes kezeńinde 105,8%-dy qurady.

Hımıalyq ónerkásip óndirisi 23,8%-ǵa, sút ónimderi – 39,4%, jeńil ónerkásip – 25%, et ónimderi óndirisi – 15,3%-ǵa artyp otyr.