Prezıdenttiń baspasóz hatshysy Berik Ýálıdiń búginge josparlanǵan suhbaty keıinge shegerildi. Bul týraly "Qazaqstan" Ulttyq telearnasy habarlady.
"QR Prezıdentiniń Baspasóz hatshysy Berik Ýálıdiń «Qazaqstan» Ulttyq telearnasyna búginge josparlanǵan arnaıy suhbaty keıinge shegerilgenin habarlaımyz" delingen telearna jazbasynda.
Buǵan deıin Berik Ýálı Reseı men Ýkraınadaǵy jaǵdaıǵa qatysty búgin 20:30-da "Qazaqstan" Ulttyq telearnasyna suhbat beretini habarlanǵan. Ol jerde Ýkraınadaǵy jaǵdaıǵa baılanysty Qazaqstannyń ustanymy qandaı ekenin, sondaı-aq Qańtar oqıǵasyna qatysty saýaldarǵa jaýap beriletin dep kútilgen.
Qazirgi ýaqytta Reseıdiń ózi "arnaıy operasıa" dep ataǵan basqynshylyq áreketi jalǵasyp jatyr. Ýkraına qorǵaný ústinde.
Ýkraına prezıdenti keńsesiniń shtattan tys keńesshisi Alekseı Arestovıch "Schaste", "Marıýpol" qalalary azat etilgenin, Reseıdiń kóptegen bronetehnıkasy men altynshy ushaǵy joıylǵanyn aıtty. Sondaı-aq ol Ýkraına 40 jaýyngerin joǵaltqanyn málim etti.
Pikir qaldyrý