"Búgin tańerteń qalada nemese onyń aınalasynda birneshe jarylys, atys daýystary jáne zymyrandyq soqqylar estildi" dep habarlady BBC.

Reseılik kúshter alǵa jyljyp, Kıevte urys kúsheıgen.

Ýkraına ishki ister mınıstrliginiń resmı ókili Kıevtiń Darnıskıı aýdanynda reseılik ushaq atyp túsirilshenin málimdedi.

Kıevtiń shetindegi áýejaıda da urys júrip jatyr. Eger reseılik áskerler áýejaıdy basyp alsa, Reseı armıasynyń Kıevke kirýine keńinen jol ashylmaq.

Ýkraına Qorǵanys mınıstriniń orynbasary búgin keshke Reseı kúshteri Kıevtiń syrtyndaǵy aımaqqa kirýi múmkin ekenin aıtty.

Qaqtyǵys barysynda Reseı kúshteri Kıevten nebári 93 shaqyrym jerde ornalasqan burynǵy Chernobyl atom keshenin baqylaýǵa alǵan.

AQSH ol jerde ýkraınalyq sarbazdar kepilde ustanylyp otyrǵanyn málim etti.

Shabýyl bastalǵannan beri Ýkraına Reseıdiń basqynshylyǵyna úsh bólek maıdannan – eldiń soltústiginen, ońtústiginen jáne shyǵysynan tosqaýyl qoıýǵa tyrysyp jatyr.