Erlan Turǵymbaev İshki ister mınıstri qyzmetinen ketti, dep habarlady Aqorda saıty.
"Memleket basshysynyń Jarlyǵymen Erlan Zamanbekuly Turǵymbaev Qazaqstan Respýblıkasynyń İshki ister mınıstri laýazymynan bosatyldy" " delingen habarlamada.
Qazirgi ýaqytta eks-mınıstr prezıdent keńesshisi laýazymyna taǵaıyndalǵany belgili boldy.
Erlan Zamanbekuly 1962 jyly 14 tamyzda Almaty qalasynda dúnıege kelgen. Bilimi – zańger, ishki ister organdaryndaǵy qyzmetin 1984 jyly bastaǵan.
1986-2002 jyldary Alataý jáne Kalının AİİB-nyń tergeý-jedel bólinisterinde, sondaı-aq Almaty qalasynyń QİİD-de ártúrli basqarýshy laýazymdardy atqarǵan.
2002 jyldyń aqpany men qyrkúıegi aralyǵynda – Qazaqstan Respýblıkasy İshki ister mınıstrligi Toǵyzynshy departamentiniń bastyǵy.
2002-2003 jyldary – Qazaqstan Respýblıkasy İİM Qylmystyq polısıa departamentiniń bastyǵy.
2003-2006 jyldary – Soltústik Qazaqstan oblysy İshki ister departamentiniń bólim bastyǵy, bastyǵy.
2006-2006 jyldary – Qazaqstan Respýblıkasy İİM Tergeý komıtetiniń bastyǵy.
2006-2012 jyldary – Almaty qalasy İshki ister departamentiniń bastyǵy.
2012 jyldyń jeltoqsannan bastap – Qazaqstan Respýblıkasy İshki ister mınıstriniń orynbasary bolǵan.
2019 jyldyń 12 aqpanynda QR İshki ister mınıstri qyzmetine taǵaıyndaldy.
Pikir qaldyrý