Ýkraınadaǵy soǵys kezinde Reseı Qorǵanys mınıstrligi baspasóz qyzmetiniń hatshysy, polkovnık Vladımır Ivanov qaza tapqan. Bul týraly Reseıdiń málimetter bazasyn negizge alǵan Medıazona basylymy habarlady.

Eń birinshi onyń ólimi jóninde jýrnalıs Evgenıı Poddýbnyı jazyp, 9 mamyrda "Ajalsyzdar polkiniń" aksıasyna Ivanovtyń portretin ustap shyqqan. 

Aqpkrattarda 41 jastaǵy Vladımır Ivanov 25 naýryzda qaza tapqany aıtylady. Onyń qaıtys bolǵany resmı túrde 5 kúnnen keıin, 2022 jyldyń 30 naýryzynda rastalǵan. Muragerlik isti rásimdegen notarıýs ólgen polkovnıktiń turǵylyqty meken-jaıy retinde qorǵanys mınıstrliginiń Máskeýdegi bas ǵımaratyn kórsetken.

Reseı qorǵanys mınıstrligi baspasóz qyzmetkeriniń qaza tapqanyn, qandaı oqıǵa kezinde oqqa ushqanyn resmı túrde habarlaǵan joq.

"Medıazona" men Bı-bı-sı málimetterine súıensek, ashyq derekkózder arqyly Reseı áskeriniń Ýkraınada 2500-den astam jaýyngeri, áskerı sheni podpolkovnıkten joǵary 60-qa jýyq ofıseri qaza tapqan. Al Reseı qorǵanys mınıstrligi naýryz aıynyń sońynda Ýkraınada 1300 jaýyngeri ólgenin moıyndaǵan, odan keıin ólgender týraly aqparat bergen emes.