Qarjy naryǵyn retteý jáne damytý agenttigi kredıt raqymshylyǵy máseleleri boıynsha tarap jatqan aqparat jalǵan ekenin habarlady. 

"Áleýmettik jelilerde jáne messendjerlerde "kredıt raqymshylyǵy" jasaldy jáne  "halyqtyń qaryzdary esepten shyǵaryldy" degen dáıeksiz aqparat belsendi túrde tarap jatyr.

"Qazaqstan Respýblıkasy azamattarynyń borysh júktemesin azaıtý sharalary týraly" Memleket basshysynyń 2019 jylǵy 26 maýsymdaǵy Jarlyǵyn oryndaý úshin qabyldanǵan "Qazaqstan Respýblıkasy azamattarynyń borysh júktemesin azaıtýǵa bólingen qarajatty paıdalanýdyń keıbir máseleleri týraly" QR Úkimetiniń 2019 jylǵy 15 shildedegi qaýlysyna qatysty úsh jyl burynǵy aqparat bar 2019 jylǵy beınerolık taratylýda" delingen Qarjy naryǵyn retteý jáne damytý agenttiginiń habarlamasynda. 

Osy Qaýly sheńberinde kómek 2019 jylǵy qyrkúıekten bastap 2020 jylǵy sáýir aralyǵynda kórsetilgen. Nátıjesinde 577,7 myń azamat úshin jalpy somasy 120,5 mlrd teńge bolatyn bereshekti esepten shyǵarý rásimi júrgizilgen.

Qaýly 2019 jylǵy 13 jeltoqsanda qoldanysyn toqtatqan jáne qazirgi ýaqytta onyń zańdy kúshi joq. Bul bastama – bir rettik bastama.

Agenttik azamattar men buqaralyq aqparat quraldarynan jalǵan málimetterge senbeýdi jáne aqparatty tek resmı jáne tekserilgen derekkózderden basshylyqqa alýdy surady.