Vladımır Zelenskıı Harkov oblysyna jasaǵan saparynda Ýkraına Qaýipsizdik qyzmeti oblystyq basqarmasynyń basshysy Roman Dýdındi qyzmetinen bosatty.
Zelenskııdiń sózinshe, soǵystyń alǵashqy kúninen bastap Dýdın óziniń jeke basyn ǵana oılaǵan. Alaıda Zelenskıı Dýdın qandaı qatelikke jol bergenin naqtylap aıtpady.
Ýkraına prezıdenti Harkov oblysynyń áskeri, polısıa qyzmetkerleri birlesip jeńis úshin kúresip jatqanyn atap ótip, dese de Ýkraına Qaýipsizdik qyzmeti oblystyq basqarmasynyń jumysyna kóńili tolmaǵanyn jetkizdi.
– Men oblysqa baryp, jaǵdaıdy tolyq qadaǵaladym. Keıin Qaýipsizdik qyzmeti oblystyq basqarmasynyń basshysyn jeke basynyń qamyn oılap, jetkilikti deńgeıde jumys atqarmaǵany úshin jumystan bosattym. Naqtysyn tártip saqshylary anyqtaıtyn bolady, – deıdi Zelenskıı.
Zelenskıı sonymen qatar aımaqtyń úshten bir bóligi qazir reseılik áskerdiń baqylaýynda ekenin málim etti.
Pikir qaldyrý