Qazaqstan Respýblıkasy Parlamenti senatynyń depýtaty Lázzat Jańylysqyzy Súleımen men qoǵam qaıratkeri Saltanat Parhatqyzy Tursynbekovanyń Konstıtýsıaǵa túzetýlerdiń zańnamalyq negizderin túsindirý máseleleri boıynsha SHQO-da birqatar kezdesýler ótkizdi.

Sapar aıasynda Lázzat Súleımen jáne Saltanat Tursynbekova Óskemen qalasyndaǵy ana men bala ortalyǵynda bolyp, jumysymen tanysyp, medısınalyq kómektiń qanshalyqty sapaly kórsetilip jatqanyna kóz jetkizdi.

Ortalyqtyń sońǵy úlgidegi joǵary tehnologıalyq medısınalyq qurylǵylarmen jabdyqtalǵanyna basa nazar aýdaryp, aq halatty abzal jandardyń eńbegine joǵary baǵa berdi. Ortalyq qyzmetkerlerimen 5-shi maýsym kúni bolatyn referendým týraly kezdesý ótkizip, QR Konstıtýsıasyna ózgerister men tolyqtyrýlardy túsindirip berdi.

Sondaı-aq Dáýlet Serikbaev atyndaǵy Shyǵys Qazaqstan tehnıkalyq ýnıversıtetinde oblystyń áıelder qaýymymen kezdesý ótkizdi. İs-sharaǵa kóp balaly analardyń, halyqtyń áleýmettik osal toptarynyń ókilderi, shaǵyn jáne orta bıznestegi áıelder qaýymy, Shyǵys Qazaqstan oblysynyń ǵylymı jáne shyǵarmashylyq zıaly qaýym ókilderi qatysty. Qatysýshylar usynylǵan ózgerister men konstıtýsıalyq reformanyń Qazaqstan Respýblıkasynyń árbir azamaty úshin mańyzdylyǵyn talqylap, óz oılarymen bólisti.

Jıynda sóz alǵan QR Parlamenti Senatynyń depýtaty Lázzat Súleımen hanym elimiz úshin referendýmnyń qanshalyqty mańyzdy ekenine toqtalyp, ata zańymyzǵa engiziletin ózgertýler men tolyqtyrýlar jaıly aıtyp ótti.

«Jańa Qazaqstan qurýǵa jańa qadam jasalynyp jatyr. Osy ýaqytqa deıin qoǵamda bolǵan kemshilikterdi túzetý úshin qajet. Demokratıalyq ashyq qoǵam qurýdyń negizi bolyp sanalady. Qazirgi ýaqytta biz sýperprezıdenttik júıeden bas tartyp otyrmyz. Parlament kúsheımek. Halyq pen depýtattardyń arasy jaqyndaıdy. El aldynda ýádesin oryndamaǵan depýtattyń, mandaty qaıtaryp alynady. Árbir azamattyń konstıtýtsıalyq quqyǵy saqtaýlyna basa kóńil bólinedi. Demek Konstıtýsıalyq sotqa azamattar, zańdy tulǵalar jáne basqa da qoǵam ókilderi júgine alady. Adam quqyǵyn qorǵaıtyn ýákildińde ókilettiligi kúsheıtilmek. Sońǵy ýaqytta referendýmǵa barmaýǵa úgittep júrgen aqparattar taraýda. Sondyqtan saılaýshylardy elimizdiń jarqyn bolashaǵy úshin, referendýmǵa qatysýǵa, daýys berýge shaqyramyn» dedi senator Lázzat Jańylysqyzy.

Sharaǵa qatysýshylar elimizde bolyp jatqan qoldaıtyndaryn jetkizip, 5-shi maýsym kúni referendýmǵa bir kisideı qatysatynyn jetkizdi.

SHQO Aqparat ortalyǵy