Shyǵys Qazaqstan oblysynyń balalary úshin jazǵy saýyqtyrý demalysyn uıymdastyrý týraly óńirlik komýnıkasıalar qyzmetiniń brıfıńinde bilim basqarmasynyń basshysy Saırangúl Jumadilova aıtyp berdi. Jazǵy kezeńde balalar men jasóspirimderdiń tolyqqandy demalysyn, saýyqtyrylýyn, jumyspen qamtylýyn uıymdastyrý jáne qamtamasyz etý Qazaqstan Respýblıkasynyń Memlekettik áleýmettik saıasatynyń basym mindetteriniń biri bolyp tabylady.

SHQO-nyń 185 374 oqýshysyn jazǵy demalyspen jáne saýyqtyrýmen qamtý josparlanýda. Sonyń ishinde kóp balaly jáne az qamtylǵan otbasylardan shyqqan balalar, erekshe bilim berý qajettilikteri bar balalarǵa basymdyq berilmek. Kóp balaly jáne az qamtylǵan otbasylardyń balalary úshin Almaty qalasynyń "Bóbek" jáne Shýchınsk qalasynyń "Baldáýren" ulttyq bilim berý jáne saýyqtyrý ortalyqtarynda jazǵy demalystaryn ótkizbek.

«Aǵymdaǵy jyly oqýshylar úshin jazǵy demalysty uıymdastyrýǵa 420 mln.teńge qarastyrylǵan. Sonymen qatar, bıyl qala syrtyndaǵy lagerler jelisi 5 birlikke artyp, 995-ti qurady. Sonymen qatar, jańa lagerler bazasynda tildik, bıznes jáne IT-lagerler sıaqty jańa baǵyttar boıynsha jazǵy demalys uıymdastyrylatynyn atap ótkim keledi» dedi Saırangúl Jumadilova.

Iaǵnı Semeı, Altaı qalalaryndaǵy IT-lagerler, ol balalardyń kompúterlik grafıka jáne anımasıa, avto jáne avıamodeldeý boıynsha quzyretterin damytatyn bolady, sondaı-aq WI-FI jáne jeliaralyq qatynastyń erkin aımaǵynyń IT-alańy jumys istese, Óskemen, Rıdder qalalaryndaǵy tildik lagerlerde balalar qalanyń mádenı obektilerin tamashalaý men qatar, tabıǵatqa shyǵý, til ıelerimen qarym-qatynas jasaý josparlanǵan.

Al Óskemen qalasyndaǵy bıznes-lagerde, kóshbasshylyq daǵdylaryna, qarjylyq saýattylyqqa, akterlik sheberlikke, sheshendik ónerge, taım-menedjmentke jáne bıznes negizderine oqytatyn bolady. Bıyl jazǵy demalysty ótkizý úshin lagerlerde 855 tárbıeshi, 881 tálimger, 1250 qosymsha bilim berý pedagogy jáne 546 medısına qyzmetkeri, sondaı-aq kolej oqýshylary men oblystyń JOO stýdentteri qatarynan pedagogıkalyq jasaqtary eńbek etpek.Sondaı-aq jazǵy kezeńde mektepten tys bilim berý uıymdarynyń jumysy jalǵasady, onyń ishinde 14 oqýshylar saraıy, 39 Balalar óner mektebi, 7 jas tehnıkter men natýralıser stansıasy, 58 aýla jasóspirimder klýby jumys isteıtin bolady.Barlyq saraılar men oqýshylar úılerinde jazǵy lagerler, balalarǵa arnalǵan debat alańdary, shyǵarmashylyq stýdıalar, sporttyq seksıalar kestege saı jumystaryn jalǵastyrady. Balalar óner mektepterinde, balalar mýzyka mektepterinde, balalar kórkemóner mektepterinde túrli úıirmeler jumystaryn toqtatpaıdy.  Jaz boıy balalarǵa arnalǵan shyǵarmashylyq is-sharalar ótkizý josparlanýda. Máselen jas natýralıser stansıalary men ekobıoortalyqtarda oqýshylardyń jazǵy dalalyq ekologıalyq akademıalary, Shyǵys Qazaqstan aýdandarynda, sonyń ishinde erekshe qorǵalatyn tabıǵı aýmaqtarda ǵylymı-zertteý jumystaryn jáne ekologıalyq monıtorıń júrgizý úshin shatyr úlgisindegi lagerler uıymdastyrylmaq.

Balalardyń qaýipsizdik máselesine de basa nazar aýdarylýda.  SHQO TJ departamenti shomylý maýsymy kezinde balalardyń qaýipsizdigin qamtamasyz etý boıynsha ózara is-qımyl josparyna sáıkes lagerlerdiń shomylý oryndarynyń akvatorıasyn tazartý boıynsha jumystar atqaryldy. Jáne sýdaǵy qaýipsizdik erejelerin saqtaý máseleleri boıynsha bilim berý bólimderiniń basshylarymen jáne qala syrtyndaǵy jazǵy lager dırektorlarymen semınar uıymdastyrylyp, barlyq lagerlerde jazǵy maýsymǵa qaraı sýmen jabdyqtaý obektilerin deratızasıalaý, dezınseksıalaý, tazalaý, jýý jáne dezınfeksıalaý, kenege qarsy is-sharalar boıynsha jumystar júrgizilýde. Sonymen qatar órt-tehnıkalyq talaptardy jáne jol qozǵalysy erejelerin saqtaý máseleleri boıynsha ata-analar men jınalysta ótkizilip, balalardyń qaýipsizdigine beı-jaı qaramaýǵa shaqyrdy.

Aǵymdaǵy jyldan bastap lagerlerdiń qoljetimdiligi týraly barynsha aqparattandyrý maqsatynda «Balalardy saýyqtyrý lagerleriniń ınteraktıvti kartasy» mobıldi qosymshasy jáne «bala-demalys.kz» saıty iske qosylyp,  olardyń kómegimen ata-analar baǵdarlamany, bılettiń qunyn, lagerdiń ornalasqan jerin kóre alýǵa múmkindikteri bar.

SHQO aqparat ortalyǵy