Búgin Abaı, Jetisý jáne Ulytaý oblystarynyń ákimderi taǵaıyndaldy, dep habarlady Aqorda saıty.

Abaı oblysyn Nurlan Telmanuly Uranhanov, Jetisý oblysyn Beıbit Óksikbaıuly Isabaev, al Ulytaý oblysyn Berik Ábdiǵalıuly basqaratyn bolady.  

Tıisti jarlyqqa prezıdent qol qoıdy. 

Jetisý oblysynyń ákimi Beıbit Isabaev 1962 jyly 4 jeltoqsanda dúnıege kelgen. Ol buǵan deıin parlament senatynyń depýtaty bolǵan.

Abaı oblysynyń ákimi Nurlan Uranhaev buǵan deıin Nur-Sultan qalasynyń sáýlet, qala qurylysy jáne jer qatynastary basqarmasynyń basshysy boldy. Ol 1965 jyly Semeı qalasynda dúnıege kelgen.

Ulytaý oblysynyń ákimi Berik Ábdiǵalıulynyń sońǵy qyzmeti – májilis depýtaty. Ol 10 kitaptyń jáne qazaqstandyq jáne sheteldik ǵylymı basylymdardaǵy 100-den astam ǵylymı jarıalanymdardyń avtory.