Sarapshylarynyń esepterine sáıkes, 2050 jylǵa qaraı, halyq sanynyń ósýi boıynsha kóshbasshy Shymkent qalasy bolady. 2050 jylǵa qaraı qalada 2,8 mln adam turady degen boljam bar. Nur-Sultan qalasynda halyq sany 2,9 mln adamǵa, Almatyda 3,5 mln adamǵa jetedi.
BUU sarapshylarynyń saraptamasyna sáıkes, osy jyldyń qarasha aıynda álemdik halyq sany 8 mlrd adamnan asatynyna qaramastan, sońǵy ýaqytta ósim birtindep baıaýlaýy baıqalady. Máselen, 2019 jyly álemdiń halyq ósimi 76 mln adamdy qurasa, 2021 jyly 68 mln adam boldy.
– Álemde halyq sany 9 mıllıardtyq mejege 2037 jylǵa, al 10 mıllıardtyq mejege 2058 jylǵa qaraı jetedi dep kútilýde. Biraq bul rette 2019 jylǵy boljamda 2022 jylǵa kútiletin kórsetkish 7 mlrd 954 mln adamdy quraǵan, ıaǵnı pandemıa halyqtyń jıyntyq ósýine paradoksaldy túrde oń áserin tıgizdi, – dep túıindedi sarapshy.
BUU málimetteri boıynsha, kelesi jyly Qytaı halyq sany boıynsha Úndistanǵa jol beredi, al 2030 jylǵa qaraı úndiler sany qytaılardan 100 mıllıon adamǵa asyp túsedi. 2050 jylǵa qaraı Úndistan halqynyń sany 1,7 mlrd adamǵa jetse, Qytaılyqtar sany 1,3 mlrd adamǵa deıin qysqarady. 2050 jylǵa qaraı álemdegi halyq sany boıynsha úshinshi el Nıgerıa bolady (2050 jyly 377 mıllıon adam), AQSH tórtinshi orynǵa túsedi (2050 jyly 375 mıllıon adam), halyq sany boıynsha besinshi el Pákistan bolady (368 mıllıon adam), al altynshy – Indonezıa (317 mıllıon adam).
Halyq sany 2050 jylǵa qaraı edáýir qysqaratyn elder arasynda Qytaıdy (2022 jylmen salystyrǵanda 113 mln adamǵa nemese 7,9%-ǵa), Japonıany (20 mln adamǵa nemese 16,3%-ǵa), Reseıdi (11,6 mln adamǵa nemese 8%-ǵa), Italıany (6,8 mln adamǵa nemese 11,5%), Ýkraınany (6,8 mıllıon adam nemese 17,2%), Ońtústik Koreıany (6 mıllıon adamǵa nemese 11,7%), Polshany (4,9 mıllıon adamǵa nemese 12,4%) jáne Germanıany (4,4 mıllıon adamǵa nemese 5,3%) bólip kórsetýge bolady.
Pikir qaldyrý