Opozısıalyq saıasatker, 90 jyldary laýazymdy qyzmetter atqarǵan Baltash Tursynbaev 76 jasynda dúnıeden ótti.

Baltash Moldabaıuly Tursymbaev 1946 jyly 24 qazanda Omby oblysy Kishi Borankól aýylynda týǵan.

1969 jyly Omby aýyl sharýashylyq ınstıtýtyn bitirgen.

1969 jyldan bastap Soltústik Qazaqstan oblysynda zootehnık, bas zootehnık, Presnov aýdandyq aýyl sharýashylyq basqarmasy bastyǵynyń orynbasary qyzmetterin atqarǵan.

Odan keıin ár jyldary "Jambyl" keńsharynyń dırektory, Bıshikól aýdandyq partıa komıtetiniń 2-hatshysy,  Selınnyı aýdandyq partıa komıtetiniń 1-hatshysy, Soltústik Qazaqstan oblysy atqarý komıtetiniń tóraǵasy, Qazaq KSR-i Memlekettik agrokeshen komıtetiniń tóraǵasy, aýyl sharýashylyq, azyq-túlik jáne ekologıa jónindegi Qazaq KSR-i memlekettik keńesshisi, Qazaq KSR-i premer-mınıstriniń orynbasary, Aýyl sharýashylyq mınıstri, Qostanaı oblysynyń ákimi, Qaýipsizdik keńesiniń hatshysy, elshi, QR Premer-mınıstri orynbasary, Qazaqstannyń Túrkıadaǵy elshisi qyzmetterin atqarǵan.

1999 jyldan jeke kásipkerlikpen aınalysqan.

Sońǵy jyldary eks-prezıdent N.Nazarbaev júıesin synap, opozısıalyq kózqarastaryn bildirip júrdi.

Bıylǵy mamyrda jaqtastarymen birge eki jyldan beri qoǵamdyq uıym retinde jumys istep kelgen "El men Jer" qozǵalysyn saıası partıaǵa aınaldyratynyn habarlaǵan.

Saıasatker qazasyna júrek syrqaty sebep bolǵany aıtyldy.