Oqý-aǵartý mınıstrligi apparatynyń otyrysynda oqý jylyn eki aptaǵa uzartý máselesi maquldandy. Endi tek buıryqty Ádilet mınıstrliginde tirkeý ǵana qaldy.

Buıryqqa saı, oqý jylynyń uzaqtyǵy 1-synyptarda – 35 oqý aptasynan (qazir 33 apta), 2-11 (12)-synyptarda 36 oqý aptasynan (qazir 34 apta) turady.

1-11 (12) – synyptarda: kúzgi kanıkýl – 7 kúndi (31 qazan – 6 qarasha aralyǵy), qysqy – 9 kún (31 jeltoqsan men 8 qańtar aralyǵy), kóktemgi – 9 kúndi ( 18-26 naýryz aralyǵy) quraıdy

1-synyptar qosymsha 7 kún (2023 jylǵy 6-12 aqpan aralyǵynda) demalady.

Ol boıynsha oqý jyly ádettegideı 1 qyrkúıekte bastalyp, 31 mamyrda aıaqtalady. 1 maýsymnan balalar kanıkýlǵa shyǵady.

Mınıstrlik qosymsha eki oqý aptasyn qosý arqyly oqý jylynyń uzaqtyǵyn ulǵaıtý bir kúndegi sabaqtar sanyn qysqartýǵa, bes kúndik oqý aptasyn iske asyrýǵa, "kúrdeli" taqyryptardy zerdeleý qarqyndylyǵyn tómendetýge, bilim berý prosesin damyta oqytý qaǵıdattarynda uıymdastyrýǵa múmkindik beredi dep sanaıdy.