Serikqalı Brekeshev qoǵam ókilderine Shyǵys Qazaqstannyń ekologıalyq jaǵdaıyn jaqsartý aıasynda júrgizilip jatqan jumystar týraly aıtyp berdi. Mınıstr "Jasyl Qazaqstan" ulttyq jobasynyń júzege asyrylýyna jeke toqtaldy.

"Jasyl Qazaqstan" ulttyq jobasynyń "atmosferalyq aýa sapasyn jaqsartý" mindeti aıasynda 10 iri qalada, sonyń ishinde Óskemende 5 jyl ishinde 16 iri ónerkásip kásiporyndaryndaǵy shyǵaryndylardy 20% - ǵa qysqartý kózdelip otyr" dedi  Brekeshev myrza óz sózinde.

Máselen, osy jyldyń 1-shi jarty jyldyǵynyń qorytyndysy boıynsha, kásiporyndardyń jáne  Mınıstrliktiń derekterine sáıkes, lastaýshy zattardyń naqty shyǵaryndylarynyń 6,7%-ǵa tómendegeni baıqalady.

Aıta ketý kerek, SHQO-dan "Jasyl Qazaqstan" ulttyq jobasyna: "Kazsınk" Óskemen metalýrgıalyq kesheni JSHS jáne "Óskemen JEO" JSHS kirdi. «Kazsınk» kúkirt qyshqyly óndirisin jańǵyrtý jobasyna kiristi. 2025 jyldyń sońyna deıin myrysh zaýytynyń qoldanystaǵy kúkirt dıoksıdi gazyn kádege jaratý qondyrǵysyn tolyq tazartýmen jabdyqtaý josparlanýda, bul kúkirt dıoksıdiniń shyǵaryndylaryn 20%-ǵa azaıtýǵa múmkindik beredi. Óskemen JEO-da kúltutqysh qondyrǵy men 2 qazandyq Agregatta tútin gazyn tazartý júıesin qaıta jańartý júrgizildi, bul keleshekte lastaýshy zattardyń shyǵaryndylaryn azaıtýǵa múmkindik beredi.

Mınıstrdiń  aıtýynsha, jol kartasy aıasynda Shyǵys Qazaqstan oblysynyń ekologıalyq máselelerin sheshý boıynsha 35 is-shara qarastyrylǵan. 2021 jyly atmosferalyq aýa sapasyn baqylaýdyń 9 jańa avtomatty stansıasy ornatyldy, onda 6 negizgi lastaýshy kórsetkishter boıynsha monıtorıń júrgiziledi. Bıyl Óskemende qaıta óńdeletin 10 qabyldaý pýnktin jabdyqtaý josparlanýda.

«Óńirdiń qorshaǵan orta sapasynyń joǵary mańyzdylyǵyn eskere otyryp, ákimdikke jol kartasynyń is-sharalaryn iske asyrý úshin shuǵyl sharalar qabyldaý talap etiledi. Budan basqa, búginde biz oblystardyń bólinýin eskere otyryp, jol kartalaryn ózektendirý boıynsha jumys júrgizip jatyrmyz. Biz óńirdegi ekologıalyq ahýaldy jaqsartýǵa baǵyttalǵan jańa is-sharalardy birlesip pysyqtap, engizýimiz kerek» dep atap ótti Serikqalı Amanǵalıuly.

Sondaı-aq, kezdesý barysynda ekologıa, geologıa jáne tabıǵı resýrstar mınıstri QTQ qaıta óńdeý, káriz-tazartý qurylystarynyń jaı-kúıi, geologıa salasyn, sý jáne orman sharýashylyǵyn damytý máselelerine toqtalyp ótti.