Qarjy monıtorıńi agenttigi qatarynda eks-prezıdent Nursultan Nazarbaevtyń inisi Bolat Nazarbaevqa jaqyn adam bar delingen qylmystyq topty tergeý barysy týraly jarıalady.
Agenttik birneshe kompanıany reıderlik jolmen basyp alý faktisi boıynsha sotqa deıingi tergeý barysynda zardap shegýshige keltirilgen shyǵyn kólemi 18 mlrd teńgeden astam qarajatty quraıtynyn anyqtaǵan.
"14 shildede R.Babaev, T.Tanashev, D.Ábıjanov jáne A.Altybasarovqa qatysty sot qamaýǵa alýdy sanksıalady. Qospaev, Shalın jáne Imashev halyqaralyq izdeýge jarıalandy.
Múlikti anyqtaý jáne tyıym salý sharalary qabyldandy. Joǵaryda atalǵan azamattardyń $9 mln jýyq quraıtyn qarajaty, zergerlik buıymdary, kúdiktiler men olarǵa qatysty tulǵalardyń 154 jyljymaıtyn múlik obektisi (102 páter, 6 jer úı, 28 turǵynúıge jatpaıtyn ǵımarattar, 11 jer telimi, saýda nysandary, eki garaj, tórt avtoturaq) 19 premıým klastaǵy kólik tárkilendi" delingen aqparatta.
Tárkilengen kólikter arasynda 2018-2022 jyldar aralyǵynda shyqqan Rolls Royce, Mercedes-Benz, BMW, Tesla, Toyota Land Cruiser, Land Rover, Lexus, Subaru, Hyundai. sekildi kólikter bar.
Agenttik málimetinshe, top músheleriniń reıderlik áreketinen zardap shekken azamattardan aryzdar áli de kelip túsip jatyr. Agenttik sondaı-aq Bolat Nazarbaevtyń oń qoly delingen Eldos Qospaevtyń jáne basqa da tulǵalardyń áreketinen zardap shekken kásipkerlerdi QMA-ǵa nemese aýmaqtyq departamentterge habarlasýǵa shaqyrady.
Pikir qaldyrý