«Samǵaý» jas memlekettik qyzmet mektebi jumysynyń alǵashqy dárisi «Ákimdik is júzinde qalaı jumys isteıdi jáne bul el ekonomıkasynyń damýyna qalaı áser etedi?» taqyrybynda ótti. Bilimgerlermen kezdesýge QR Memlekettik qyzmet isteri agenttiginiń Almaty oblysy boıynsha departamentiniń basshysy Lázzat Muqataıqyzy, Qarasaı aýdanynyń ákimi Jasulan Toqqojauly da qatysty. Oblys ákimi ýnıversıtetti aralap, kitaphanamen, SDU Store, fakúltettermen, asqana men tenıs alańymen tanysty.

Óz sózinde oblys basshysy Sýleıman Demırel ýnıversıtetiniń óńirdegi jalǵyz joǵary oqý orny ekenin atap ótip, jastardyń oblysty damytýda úlken ról atqaratynyn atap ótti.

«Jaqynda Memleket basshysy Qasym-Jomart Toqaev óńirge kelgen  saparynda Qonaev ǵylym-bilim ortalyǵyna jáne stýdent jastardyń qalasyna aınalýy kerek ekenin aıtty. «Akademıalyq qalashyqty» qurý boıynsha quzyrly mınıstrlikpen birlese jumys isteımiz. Oblysty damytýda, alǵa qoıǵan josparlardy júzege asyrýda jastardyń alar orny erek. Bıyl mektep túlekterine 100-ge jýyq grant bólinedi. Qonaev qalasy jańadan serpin alyp kele jatqandyqtan, jas býyndy aımaqqa tartý úshin birqatar jumys qolǵa alynady», – dedi Marat Eleýsizuly.

Óńir basshysynyń aıtýynsha, qazirgi tańda oblys ortalyǵy Qonaev qalasynyń bas jospary men aımaqtyń 2030 jylǵa deıingi Damý strategıasy ázirlený ústinde. Tól topyraqtyń turlaýly ómirine ózgeshe boıaý qosamyn degen ár jas ózindik oılarymen bolashaq josparlaryn, startap jobalaryn usynys retinde engize alady.
«Otaýyn jeke saılaǵan oblysymyzdyń damý strategıasy birneshe baǵytty kózdeıdi. Máselen, teńgerimdi aýmaqtyq damý, adamı kapıtaldyń sapasyn arttyrý, adamdar úshin qol jetimdi ınfraqurylym,  halyqtyń tabysyn arttyrý, turaqty ekonomıkalyq ósý syndy tarmaqtardy qamtıtyn bolady», -dedi stýdenttermen kezdesýde óńir basshysy.

Sonymen qatar, Marat Eleısizuly taıaý bolashaqta Qonaev qalasy men ózgede aýdandardyń ózine tán ozyq baǵyty aıshyqtalyp, básekege qabiletti bolatynyn alǵa tartty. Mysaly, Balqash aýdanynda kúrish ósirý men jem-shóp bazasy jańǵyrsa, Kegen jáne Raıymbek aýdandarynda et-sút óndirisi men týrızm salasy qarqyn almaq.

Aldaǵy startegıada «Jasyl» ekonomıkaǵa kóshýge kóp kóńil bólinedi. Buǵan sebep, qazir jańartylatyn energıa kózderi salasynda oblystyń respýblıkada aldyńǵy orynda bolýy. Al jalpy energetıkadaǵy JEK úlesi 2025 jylǵa qaraı 21%-ǵa deıin ulǵaıyp, 16% -. quraıdy. Jalpy qýaty 44 MVt bolatyn 5 GES, 27 MVt-qa jel energıasynyń 5 áýe generatoryn jáne 6,4 MVt-qa 2 bıoES salý josparlanǵan.
 
«Ekologıanyń saqtalýy men  qorshaǵan ortaǵa qamqorlyq tanytýǵa basty basymdyq beriledi. Búgingi kúni    qatty turmystyq qaldyqtardy qaıta óńdeý zaýyttary salynyp, ónerkásiptik jáne áleýmettik nysandar gazben jabdyqtaýǵa aýystyrylýy sózimniń dáleli.  Óńirdiń osy tektes jáne ózgede baǵyttarynyń órkendeýi jolynda ózderińizdiń jańa aqparattyq tehnologıalar, ınjenerıa, qurylys jáne basqa da kóptegen salalardaǵy qyzyqty startaptaryńyz arqyly   sizderdiń alar oryndaryńyz erekshe bolmaq. Men sizderdi  tek óz isiniń mamany bolyp qana qoımaı,  sonymen qatar kásipker, bıznesmen  retinde baqtaryńyzdy synap, ózderińizdiń jańa kásiporyndaryńyzdy  qurýdan qoryqpaýǵa shaqyramyn»,- dedi Almaty oblysynyń ákimi Marat Sultanǵazıev.
Kezdesý barysynda SDÝ bilimgerleri oblys ákimine transport, Altyn aýyl yqsham aýdanynyń tazalyǵy, ınternet máselesi, Uzynaǵash, Jibek joly sıaqty shalǵaı aýyldarǵa qatynaý máselelerine qatysty saýaldaryn joldady.

Aıta ketý kerek, kemel keleshektiń tutqasyn ustaýshy jandar men oblys basshylyǵynyń kezdesýine muryndyq bolǵan Jas memlekettik qyzmet mektebi QR Memlekettik qyzmet isteri agenttiginiń Almaty oblysy boıynsha departamentiniń bastamasymen qurylǵan. Mektep tyńdaýshylary oblystyń memlekettik organdarynda mindetti túrde taǵylymdama men óndiristik tájirıbeden ótýge jiberiledi, bul olarǵa bolashaqta memlekettik organda tez beıimdelýge múmkindik beredi.
 
Anyqtama. Sýleıman Demırel atyndaǵy Ýnıversıtet 1996 jyly Elbasy Nursultan Ábishuly Nazarbaev pen Túrkıa memleketiniń 9-shy prezıdenti Sýleıman Demıreldiń qatysýymen ashyldy. Ýnıversıtettiń strategıalyq damý josparynyń basty maqsaty – elimizdegi jáne Orta Azıadaǵy tańdaýly, halyqaralyq úlgidegi joǵarǵy oqý oryndarynyń biri bolý. Bilim ordasy búgingi tańda Almaty oblysy Qarasaı aýdany Qaskeleń qalasyndaǵy 14 gektarlyq alańda ornalasqan. Zamanaýı talaptarǵa saı 40 myń sharshy metrlik kampýs pen 20 000 sharshy metrlik jataqhanasy bar. Qazirgi tańda 8 myńnan astam stýdent bilim alady. 

Ýnıversıtet quramynda 4 fakúltet pen Mýltıdısıplınarlyq ortalyq jumys isteıdi:

– Injenerlik jáne jaratylystaný ǵylymdary fakúlteti;
– Quqyq jáne áleýmettik ǵylymdar fakúlteti;
– Pedagogıka jáne gýmanıtarlyq ǵylymdar fakúlteti;
– Bıznes mektebi.
 
Aǵylshyn tilinde bilim beretin alǵashqy ýnıversıtetterdiń biri bolyp tabylatyn ýnıversıtette qazirgi ýaqytta 55 bilim berý baǵdarlamasy: 28 bakalavrıat, 20 magıstrlik jáne 7 doktorlyq baǵdarlama bar. SDÝ úsh tildi bilim berý júıesi boıynsha jumys isteıdi. Bilim berý baǵdarlamalarynyń 62%-y aǵylshyn tilinde, 20%-y qazaq tilinde, al 18%-y aǵylshyn, qazaq nemese orys tilderinde oqytylady. Profesorlyq-oqytýshy quramy – elimiz ben sheteldiń beldi oqý oryndaryn bitirgen óz isteriniń mamandary. Jalpy sany 271 oqytýshy bar, onyń ishinde 20%-y ǵylym kandıdaty, 36%-y PhD doktory.